ماڵپەری قورئانی پیرۆز

نووسینی /د.صلاح عبدالفتاح الخالدی//نووسینگه‌ی ته‌فسیر//موسا – دروودی لەسەر بێت – داوای لە گەلەكەی كرد، كە (مانگایەك) سەربڕن ئەمە فەرمانی خودای پاك‌و بێخەوشە، نەك فەرمانی (موسا).. فەرمانی خوداش دەبێت بە پەسەندكردن‌و

تەسلیم بوون‌و جێبەجێ‌ كردنەوە پێشوازیی لێ بكرێت.(موسا) بۆیە بەفەرمانی خودا پاڵپشتی داواكەی كرد، وەك ئەوەی زانیبێتی نەریتی گەلەكەی چۆنەو، لە جێبەجی كردنی داواكاندا دوادەكەون‌و فڕۆفێڵا لە كاروبارەكاندا دەكەن، موساش دەیەوێت لە ڕاپەڕاندنی كارەكەدا دەست‌وبرد بكەن، جا ئەگەر ئەو فەرمانەی بدایەتە پاڵا خۆی، لەوانەیە مشت‌ومڕێكی زۆریان لەگەڵیدا بكردایەو فەرمانەكەشیان ڕەت بكردبایەوە، ئەمە لەگەڵا ئەوەشدا، كە بێگومان پابەندیی بە فەرمانی ئەو پێغەمبەرەوە (سڵاوی لێ‌ بێت) پێویست (واجب)ە، چونكە پێغەمبەرەكە خۆی فەرمان بەهیچ شتێك بۆ خۆی ناكات، بەڵكو بە فەرمانی خودایە، بۆیە گوێرایەڵیكردنی ئەو پێغەمبەرە گوێرایەڵیكردنی خودایە هەمدیسان موسا پێی ڕاگەیاندن كە فەرمانی خودا ڕوون‌و دیاریكراوو بێ‌گرێ‌‌و گۆڵە ئەوەیە، كە مانگایەك سەربڕن..وشەی (بقرە) بەبێ‌ (أل-ی تعریف)- (نكرە)یە، واتە نەزانراوە ومەبەست پێی هەر مانگایەك بێت، نەزانراویی (تنكیر)ی مانگاكە ئاماژەیە بۆ گشت مانگایەك…مانگایەك سەربڕن (اذبحوا بقرە) هەر مانگایەك بێت، ئیدی گرنگ مانگایەكە، هەر مانگایەكی نێو مانگایان… كەواتە ناشێت فەرمانەكە ئاڵۆز بێت لەلای ئەوكەسەی، كە دەیەوێت پابەندبێت پێوەی‌و جێبەجێ‌ بكات، چونكە فەرمانەكە بەو دەربڕینە ڕوونەیەوە هاتووە ..