ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
به‌باشى له‌گه‌ڵ جه‌سته‌ت ڕه‌فتار بکه
ئاماده‌کردنى/سانا حمدامین
ئه‌گه‌ر خۆت خۆش ئه‌وێت وه هه‌ڵوه‌داى مرۆڤیه‌تى خۆتى, ئه‌بێ به شێوه‌یه‌ک ئه‌و هه‌سته‌ت بۆ خۆت ده‌ربرى.
چونیه‌تى ڕه‌فتاره‌تان له‌گه‌ڵ جه‌سته‌تان, له‌پێش هه‌موو شتێک ڕاده‌ى خۆشه‌ویستى خۆت پیشان ئه‌دا.
چه‌نده ئاگادارى جه‌سته‌ى خۆتى و گرنگى ئه‌ده‌ى به ته‌ندروستیت؟
ئه‌گه‌ر به‌ڕاستى خۆتت خۆش بوێت, دور ئه‌که‌ویته‌وه له هه‌ر شتێک که زیانى هه‌یه بۆ جه‌سته و ته‌ندروستیت, بۆ نمونه واز له‌زۆر خۆرى ئه‌هێنى, زۆر خۆرى یه‌کێکه له نیشانه‌کانى خۆ به‌که‌م زانین, نه‌ک خۆ خۆشه‌ویستى.
له‌هه‌ر جێگه‌یه‌ک که‌سێکت دى که زۆرخۆرو چڵێسه, دڵنیابه که ئه‌و که‌سه باوه‌ڕ به خۆ بونى باشى نیه و خۆى خۆش ناوێت, چونکه: زۆر خۆرى, نه‌خۆشى و ئێش و ئازار به‌له‌ش ئه‌گه‌یه‌نێ. زۆر خۆرى, چ بێته هۆى نه‌خۆشى, چ بێته هۆى قه‌ڵه‌وى, چ بێته هۆى به‌دهه‌رس کردن, چ بێته هۆى خه‌واڵوى و ته‌مه‌ڵى, له هوویاندا, باوه‌ڕ به خۆ بون ناهێڵێ.
کاتێ له‌شێکى ته‌ندروست و چوست و چالاکت نه‌بێ, ئه‌ستمه خۆتت خۆش بوێت. واز له جگه‌ره‌کێشانیش بێنه, چون ئه‌ویش جۆرێ خۆشکاندنه. که‌سێک که باوه‌ڕ به خۆبونى به‌رزى هه‌یه, هه‌رگیز ئاماده نیه له‌شه جوان و خۆشه‌ویسته‌که‌ى که نیعمه‌ت و ده‌ستکردى یه‌زدانه, بخاته نا خۆشیه‌وه.
جگه‌ره کێشان هه‌م ته‌ندروستى ئه‌خاته مه‌ترسیه‌وه, هه‌م ته‌مه‌ڵى و نه‌خۆشى به‌دواوه‌یه.
له‌شى خۆت به باشى خۆش بوێت. ڕژێمێکى خوراکى باش په‌یره‌و بکه, که‌م بخۆ. جلێکى سوک و نه‌رم و خۆش له‌به‌ر بکه. پێلاوى باش و ئاسوده له پێ بکه. رۆژ نه‌رۆژێک خۆت بشۆ, له جگه‌ره‌و خواردنه‌وه‌ى مه‌ى دوربکه‌وه. وه‌رزش بکه, بچو بۆ کێو و ده‌شت و ده‌ر. هه‌ناسه‌ى قوڵ بده.
پێویسته بیرى بهێنیه‌وه, هه‌ر جۆره ئازار به له‌ش گه‌یاندێک, سه‌ختى کێشانى زۆر و ته‌نانه‌ت گیا خۆرى ڕوه‌ک خۆرى ته‌نیان که هه‌ندێ که‌س بانگه‌شه‌ى بۆ ئه‌که‌ن, جۆرێکه له نه‌خۆشى, له نیعمه‌ت و به‌هره‌ى خوا به‌ڕاده‌یه‌کى هاوسه‌نگ که‌ڵک وه‌رگره.یه‌زدانیش سه‌ختى کێشانى ڕه‌ت کردۆته‌وه.