ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
هه‌رچیم دابێته ده‌ست خوا ..
ئێواره‌یه‌کیان له‌مزگه‌وتى گه‌ڕه‌کى ئاشتى له سلێمانى نوێژم کرد، پێش نوێژه‌که چوومه خزمه‌تى پێشنوێژى مزگه‌وته‌که، که مامۆستایه‌کى به‌ڕێزه و له ته‌مه‌ندایه و ناوى
مامۆستا مه‌لا عبدالله ى په‌رخییه.
مامۆستا باسى به‌سه‌رهاتێکى خۆى کرد و وتى: له ساڵى هه‌شتاکاندا له مزگه‌وتى شێخ سه‌لام له‌لاى بازاڕى سه‌عه‌تاکۆیى له سلێمانى پێشنوێژیم ده‌کرد، حاجى عه‌وڵایه‌ک سه‌ره‌وکارى ئیشى مزگه‌وته‌که‌ى ده‌کرد هه‌تا بڵێى ناله‌بار بوو، ڕۆژێک مجه‌وری مزگه‌وته‌که هاته لام و گریا له ده‌ست حاجى عه‌وڵا گوایه پێى وتووه گسک زۆر سه‌رف ده‌که‌ى، منیش زۆر خه‌فه‌تم بۆ خوارد و وتم: إن شاء الله هه‌قت بۆ ده‌سێنم..
خوا کابرایه‌کى نارد دره‌ختێ له‌ناو حه‌وشه‌که‌دا ڕووابوو، وتى: مامۆستا ئه‌و دره‌خته‌م بۆ نایه‌نێ له ماڵه‌وه ده‌یڕوێنم، منیش وتم: باشه دینارێکم به‌رێ و بیبه، دینارێکى دامێ و به‌ڕه‌گه‌وه هه‌ڵى که‌ند و بردى، به مجه‌وره‌که‌م وت: ئه‌وه خوا ناردى ئه‌و دیناره به‌شى گڵۆپ و گسکى دوو سێ ساڵت ده‌کات و ئیتر داوا له حاجى عه‌وڵا مه‌که!
ڕۆژێک من له‌سه‌ربان بووم، حاجى عه‌ولاش هات و خوێن له جه‌رگم ئه‌چۆڕا له ته‌سه‌ڕوفات و مامه‌ڵه‌ى وشکى، وتى: ئه‌مه چیه خۆ ئه‌م مزگه‌وته تاپۆى تۆ نییه!! به‌هه‌رحاڵ وه‌لآمم نه‌دایه‌وه و حه‌واڵه‌ى خوام کرد، خوا کردى که ویستى به قادرمه‌که‌دا دابه‌زێ که‌وته خواره‌وه و قاچى شکا، هه‌ر له‌ویا خوا هه‌قى سه‌ندم و دڵم ئاوى خوارده‌وه، دوایى بردمان بۆ خه‌سته‌خانه و دکتۆرێکى خزمم برد بۆ لاى و بۆ ماوه‌یه‌ک قاچى له‌گه‌چا بوو..
جا تاقیم کردۆته‌وه هه‌رچى ناهه‌قیه‌کى به‌رامبه‌ر کردبم و دابێتمه ده‌ست خوا، خواى گه‌وره به‌فه‌زڵى خۆى هه‌قى سه‌ندووم.