ماڵپەری قورئانی پیرۆز

شه‌وێک پێشه‌واى موسوڵمانان عومه‌رى کوڕى خطاب (رض) له‌گه‌ڵَ خزمه‌تکاره‌که‌ى (ئةسلةم) ده‌ڕۆیشتن به‌ناو شارى مه‌دینه‌دا تادڵنیابێ له‌گوزه‌رانى خه‌ڵکى, له‌پاش ماوه‌یه‌ک ماندوو بوو به‌هۆى زۆر گه‌ڕانه‌وه‌ له‌پاڵ یه‌کێک له‌دیوارى ماڵه‌کاندا دانیشت تاپشوو بدات, گوێى له‌ده‌نگى پیره‌ژنێ بوو به‌کچه‌که‌ى ده‌وت که‌وا شیره‌که‌یان ئاوى تێبکات, کچه‌که‌ به‌دایکى ده‌وت: دایه‌ پێشه‌واى موسوڵمانان عومه‌ری کوڕى خه طاب قه‌ده‌غه‌ى کردووه‌ که‌ ئاوبکرێته‌ شیره‌وه‌ به‌خه‌ڵکى ڕاگه‌یاندووه‌ که‌ئه‌م کاره‌ نه‌که‌ن, چونکه‌ خیانه‌ته‌ له‌ موسوڵمانان و خواش حه‌رامى کردووه‌.
دایکه‌که‌ سور بوو له‌سه‌ر داواکه‌ى, وتى به‌کچه‌که‌ى: ئێستا عومه‌ر که‌ى لێره‌یه‌, خۆئاگاى لێمان نیه‌؟! کچه‌ خواناسه‌که‌ش وتى ئێمه‌ به‌گوێى خه‌لیفه‌ ده‌که‌ین له‌به‌ر چاوى خه‌ڵکى و به‌ڵام له‌ نهێنى دا بێفه‌رمانى ده‌که‌ین, جا ئه‌گه‌ر خه‌لیفه‌ ئاگاى لێمان نییه‌, خۆ خواى گه‌وره‌ ئاگاى لێمانه‌ و ده‌بێ له‌و بترسین!!
خه‌لیفه‌ که‌گوێى له‌و کچه‌بوو, سه‌رسام بوو له‌ ئیمان و ده‌ست پاکى. بۆ سبه‌ینێ پرسیارى کرد تابزانێ ئه‌و ئافره‌ته‌ کێیه‌ زانى که‌ ئه‌وه‌ ئومو عه‌ماره‌یه‌ کچى سوفیانى کوڕى عه‌بدوڵاى سه‌قه‌فیه‌, وه‌زانى که‌ ئه‌و کچه‌ شووى نه‌کردووه‌, خواستى بۆ کوڕى خۆى (عاصم) خوا به‌ره‌که‌تى ڕشت به‌سه‌ریانا له‌نه‌وه‌و  وه‌چه‌ى ئه‌و ئافره‌ته‌ خه‌لیفه‌ى دادپه‌روه‌ر عومه‌رى کوڕى عه‌بدولعه‌زیز په‌یدابوو.