ماڵپەری قورئانی پیرۆز

-جاهیلن ئەوانەی ئاینەكەیان بە گاڵتەوگەپ گرتووەو، ئەوانەش كە هەموو شتێك بە وازی‌و گاڵتەوگەپ دادەنێن، تەنانەت دینەكەیان‌و ئیسلامەكەیان‌و حوكمەكانی ئیسلامیش بەگاڵتە دادەنێن.

-جاهیلن ئەوانەی كەیف‌و خۆشییان تەنها بە نوكتەبازی لەسەر بەها ئایینییەكان دێت‌و، ئەوانەی ژیانی خۆیان‌و خەڵكی تریشیان كردووە بە پێكەنینێكی هەمیشەیی‌و نوكتەبازیی نەبڕاوەو، كۆمیدیای بەردەوام.

 بەڕاستی موسڵمانی ڕاستگۆو جیددی‌و وابەستەیە لەو كەسانەیە كاتێك، لەوانەیە قسەیەكی خۆش بۆ پێكەنین بكات، بەڵام لەوەشدا جگە لە هەق‌و راستی، شتێكی دی ناڵێت، لەوانەشە پێ بكەنێت بەڵام بە ئەدەب‌و ڕێزو ویقارێكەوە پێدەكەنێت، دەنا یان دەبێت ژیانی هەموو بكات بە گاڵتەجاڕی‌و سووكایەتی‌و یاری‌و رابواردن، ئەمەش پێچەوانەی پەیام‌و ئامانجی ژیانیەتی.. دیارە ئەم موسڵمانە جیددی‌و دڵسۆزەش ڕازی نییە، كە ببێتە یەكێك لە نەفام وجاهیلان.