ماڵپەری قورئانی پیرۆز

بێگومان فریشتەكان وشەی (دابە) نایانگرێتەوە، چونكە بەسەر زەویدا بە پێ ناڕۆن. وشەی (دابە) ئەو زیندەوەرانە دەگرێتەوە كە ئاو ڕەگەزی سەرەكی پێكهاتەی ئەندامیان پێكدێنێت، ئیتر ئەو (دابە)یە هەرچی بێت، چونكە خوای پەروەردگار دەفەرموێت: {وَاللَّهُ خَلَقَ كُلَّ دَابَّةٍ مِنْ مَاءٍ فَمِنْهُمْ مَنْ يَمْشِي عَلَى بَطْنِهِ وَمِنْهُمْ مَنْ يَمْشِي عَلَى ڕجْلَيْنِ وَمِنْهُمْ مَنْ يَمْشِي عَلَى أَرْبَعٍ يَخْلُقُ اللَّهُ مَا يَشَاءُ إِنَّ اللَّهَ عَلَى كُلِّ شَيْءٍ قَدِيرٌ (45)} [النور]، واتە: خوا هەموو زیندەوەرێكی (دابە) لە ئاوێكی تایبەت دروستكردووە. 

هەندێك لە زانایانی گەردوون دەڵێن: "سەیر نییە هەندێك لە تەنە ئاسمانییەكان زیندەوەری لەسەر نیشتەجێ بێت، سەیر ئەوەیە بەو جۆرە نەبێت". 

ئاژانسی بۆشایی ئەمریكی (ناسا) لە كالیفۆرنیا  لەساڵی (1970ز)دا ڕایگەیاند: ساڵی ڕابردوو نەیزەكێك لە ئوستورالیا كەوتوەتە خوارەوە ترشە ئەمینیەكان لە پێكهاتەیدا هەیە كە بەردی بناغەی ماددەی ئەندامی زیندووە، ئەوەش ئەگەری بوونی ژیان لە دەرەوەی گۆی زەوی بەهێزتر دەكات. 

لەساڵی (1974ز)دا یەكەمین پەیام بۆ شارستانییە گەردوونییەكان نێردرا، كە پەخشەكەی سێ خولەكی خایاند. ئەم نامەیە وەها نەخشە كێشرابوو كە زانیاری بنەڕەتی لەبارەی شارستانییەتی زەوی و دانیشتوانەكەی لەخۆگرتبوو. 

جێی باسە ئەم كارە ڕووبەڕووی ڕەخنەگەلی زۆر بووەوە بەو پاساوەی كارەكە هەموو مرۆڤایەتی دەگرێتەوە نەك تەنها ئەو كۆمەڵەی نامەكەیان نارد.