ماڵپەری قورئانی پیرۆز

بێگومان ئەم وتەیەی، كە لە جوولەكەكانەوە دەرچووەو، كە پەردە لەسەر سرووشت‌و نەریتیان هەڵدەتەوە لەكوێ‌ی وتەی هاوەڵە بەرێزەكانی پێغەمبەری ئیسلام محمد دایە‌و (خودا لێیان ڕازی بێت) كاتێك لەگەڵا پێغەمبەردا صلی الله علیه‌ وسلم  دەدوان هەموو وتەیەكیان رێزو ئەدەب وشكۆی تێدابوو، وەك خوداش ستایشی كردوون‌و لەبارەیانەوە فەرموویەتی: ...

واتە (پێغەمبەرو هاوەڵانیشی پێكەوەگوتیان (خودایە فەرمانی تۆمان بیست‌و گوێرایەل‌و پەیڕەوكاریی بووین، ئەی خودای پەروەردگارمان تۆش لێمان خۆش بە، سەرئەنجام‌و گەڕانەوەمان هەربۆ لای تۆیە. خوداش كار بەهیچ نەفسێك ناسپێرێت، تەنها بەگوێرەی تواناو وزەی ئەو نەفسە نەبێت، هەر كارێكی چاك ئەنجام بدات بۆ سوودو بەرژەوەندیی‌و سەرفرازیی خۆیەتی، هەر كارێكی خراپ‌و نالەباریش ئەنجام بدات لەزەرەرو سزای خۆی دایە.. ئەی خودای پەروەردگارمان سزامان مەدە، ئەگەر شتێكمان فەرمۆش كرد، یان هەڵەیەكمان لەدەست دەرچوو، ئەی پەروەردگارمان وامان لێ نەكەیت بارێكی قورس‌و گران لەسەرشانمان دانێیت (واتە ئەو ئەركە زۆر قورسانەمان نەخەیتە ئەستۆ، كە ورەو وزەی مرۆڤیان تیادا خاو دەبێتەوە)و، كە خستبووتە ئەستۆی گەلانی پێش ئێمە. ئەی پەروەردگارمان ئەركێك مەدە بەسەرماندا، كە نەتوانین رۆژانە جێبەجێ‌ی بكەین‌و توانامان تیایدا نەبێـت. چاوپۆشیی لە گوناهانمان بكەو، لێمان ببوورەو، بەزەییت پیامان دابێتەوە، هەر خۆت پشت‌و پەناو خاوەنی ئێمەت، سەرمانخە بەسەر گەلی كافرو بێباوەڕاندا).