ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
نه‌رم و نیانى بانگخوازان
نه‌رم و نیانىله‌ناو خێزان و کۆمه‌ڵدا , به‌هره‌ى خوا و به‌خششێکى گه‌وره‌یه ئه‌گه‌ر مرۆڤ لێى به‌هره‌وه‌ر بێت , حه‌زره‌ت (ص) ده‌فه‌رموێت (إذا أراد الله بأهل بيت خيراً ، أدخل عليهم الرفق) .
واته / ئه‌گه‌ر خوا ئیراده‌ى خێری به ماڵێک هه‌بێت ئه‌وا نه‌رم و نیانیان ئه‌داتێ .. به‌ڵێ .. نه‌رم و نیانى له‌هه‌ر شتێکدا بێت جوانى ده‌کات , به تایبه‌ت له بانگه‌وازدا , حه‌زره‌ت (ص) تا دوا پله نه‌رم و نیان بوو له‌گه‌ڵ خه‌ڵکیدا , خواى گه‌وره له‌و باره‌یه‌وه ده‌فه‌رموێت ( فبما رحمةٍ من الله لنت لهم ، ولو كنت فظاَ غليظ القلب لانفضوا من حولك) (آل عمران/159) .
واته: به هۆی ڕه‌حمه‌تى خواوه‌یه که تۆ نه‌رم و نیانیت له‌گه‌ڵیاندا , خۆ ئه‌گه‌ر تووڕه و قسه ڕه‌ق و بێبه‌زه‌یی بوویتایه , ئه‌وه هه‌موو له ده‌ورت بڵاوه‌یان ده‌کرد ..
چوار ئافره‌ت له ئه‌رجه‌نتین
شێخ جاسم المگوع له به‌رنامه‌ى ( بيوت الانبياء ) دا وتى :
چوار ئافره‌تى پانتۆڵ له‌پێ هاتنه مزگه‌وتى ئه‌رجه‌نتین بۆ نوێژکردن , خه‌ریک بوو ئیمامى مزگه‌وته‌که بیانکاته ده‌ره‌وه , بۆیه ساردم کرده‌وه و پێمووت که حه‌زره‌ت (ص) له مزگه‌وته‌که‌یدا پیاوێکى ده‌شته‌کى میزى کردو لێشی تووڕه نه‌بوو , ئیتر تۆ بۆچی پێت سه‌یره و پێت گرانه ئه‌مانه ڕوویان کردۆته ماڵى خوا .. خوا ئاگاداره ئه‌م ئافره‌تانه و هاوشێوه‌کانیان که هاتن به‌ره‌و مزگه‌وت و به‌نه‌رمى مامه‌ڵه‌یان له‌گه‌ڵدا کرا بوونه بانگخواز و ئێستا ملیۆنێک موسوڵمان هه‌یه له ئه‌رجه‌نتین دا .