ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
پێناسى مرۆڤ له مۆرى سه‌رى په‌نجه‌کانیدایه
ئاماده‌کردنى/سانا حمدامین
کاتێک قورئانى پیرۆز باسى ئه‌وه ده‌کات که زۆر ئاسانه بۆ په‌روه‌ردگار مرۆڤ زیندوو بکاته‌وه, ته‌رکیز له‌سه‌ر بابه‌تى مۆرى په‌نجه هه‌یه.
(أَيَحْسَبُ الْإِنسَانُ أَلَّن نَّجْمَعَ عِظَامَهُ ﴿٣﴾ بَلَىٰ قَادِڕ‌ينَ عَلَىٰ أَن نُّسَوِّيَ بَنَانَهُ)القیامه/٤-٣ واته: ئایا مرۆڤ واده‌زانێت دواى مردن ئێسکه‌کانى کۆناکرێته‌وه؟! به‌ڵکو توانامان هه‌یه نه‌خشه ورده‌کانى کۆتایى په‌نجه‌ى وه‌کو خۆى به‌دیبهێنینه‌وه.
ته‌رکیزکردن له‌سه‌ر مۆرى په‌نجه‌کان مانایه‌کى زۆر تایبه‌تى هه‌یه, چونکه سه‌رى په‌نجه‌ى هه‌موو مرۆڤێک بێوێنه‌یه و ته‌نها تایبه‌ته به خۆیه‌وه. هه‌موو که‌سێک که له‌ژیاندایه یان مردووه, کۆمه‌ڵه‌یه‌کى جیاکراوه‌ى مۆرى سه‌رى په‌نجه‌کانیان هه‌یه.
ئه‌مه‌یه واده‌کات مۆرى سه‌رى په‌نجه‌کان به‌ڵگه‌یه‌کى قبوپه‌سه‌ندکراو بێت له‌سه‌ر که‌سێتى خاوه‌نه‌که‌ى, به‌ڵام لایه‌نى گرنگ ئه‌وه‌یه بابه‌تى مۆره‌کان تا(سةدةى19) ئاشکرا نه‌کرابوو... پێش ئه‌وه‌ى خه‌ڵک سه‌یرى مۆرى سه‌رى په‌نجه‌کانیان ده‌کرد ته‌نها وه‌ک ئه‌وه‌ى ژماره‌یه‌ک هێڵى ئاسایین و هیچ مانایه‌ک یان گرنگه‌کیان نییه.
له‌قورئاندا خواى گه‌وره ئاماژه بۆ مۆرى سه‌ر په‌نجه‌کان ده‌کات له کاتێکدا که سه‌رنجى که‌سى ڕانه‌کێشابوو, به‌ڵام قورئان به‌ر له(14)سه‌ده سه‌رنجى ئێمه بۆ بایه‌خى ئه‌م باسه ڕاده‌کێشێت.