ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
هۆی دابەزینی ئایەتی (٦٢) سورەتی (النور) : { إِنَّمَا الْمُؤْمِنُونَ الَّذِينَ آمَنُوا بِاللَّهِ وَرَسُولِهِ وَإِذَا كَانُوا مَعَهُ عَلَىٰ أَمْرٍ جَامِعٍ ..}
نوسینى : بورهان موحه‌مه‌د ئه‌مین / ئاماده‌کردنى : چێنه‌ر / ئایەتەكە: (إبن إسحاق) و (بیهقی) لە (دلائل) دا لە (عروة) و (محمد) ی كوڕی (كعب) و ئەوانی دیكەشەوە دەگێڕنەوە،دەڵێت : لەكاتێكدا قوڕەیش ساڵی (ألاحزاب) لای
بیرێكی شاری (مەدینە) مۆڵیان گرتبوو، سەركردەكەشیان (أبوسفیان) و تیرەی (غطفان) هاتبوون و لە (نعمی) نزیك (احد) خۆیان خركردەوە ،ئەم دەنگوباسەش گەیشت بە پێغەمبەری خوا (صلی الله علیه وسلم) ئەویش چاڵێكی بەدەوری (مەدینە) دا لێدا و دەستی كرد بەكاركردن تێیداو ، موسوڵمانانیش كاریان تێدادەكرد، بەڵام كۆمەڵێك لە دووڕوان سستی و تەمبەڵی یان دەكرد، كام كارە سووك بوایە ئەوەیان دەكرد،خۆیان بە نهێنی ئەدزی یەوە و بەرەوماڵەوە دەڕۆیشتن بێ ئەوەی پێغەمبەری خوا (صلی الله علیه وسلم) ئاگاداربێت و ڕوخسەتیان لێ وەرگرتبێت، بەڵام پیاوانی موسوڵمان ئەگەر تووشی ناڕەحەتی و كارێكی پێویست بهاتنایە كە زۆر گرنگ بوایە، دەهاتن لای پێغەمبەری خوا (صلی الله علیه وسلم) ئاماژەیان پێدەكرد و داوای یارمەتیان لێدەكرد، كە بچن بەدەم كارەكەیانەوە ئەویش ڕێی پێدەدان، پاش ئەوەی كارەكەیان تەواو دەكرد خێرا دەگەڕانەوە، ئنجا ئەم ئایەتە دەربارەی ئەو باوەڕدارانە دابەزی: { إِنَّمَا الْمُؤْمِنُونَ الَّذِينَ آمَنُوا بِاللَّهِ وَرَسُولِهِ وَإِذَا كَانُوا مَعَهُ عَلَىٰ أَمْرٍ جَامِعٍ .. }هەتا { وَاللَّهُ بِكُلِّ شَيْءٍ عَلِيمٌ .}.