ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
( ته‌ڵحه‌ی کوڕی عبیدالله ) هه‌ڵۆکه‌ی ڕۆژی ئوحود .. (بەشی ٣)
نوسینگه‌ى ته‌فسیر .. نوسینى : خالد محمد خالد ..وه‌رگێڕانى : سهام به‌رزنجى / لە هەموو بەسەرهات و غەزاكاندا، تەڵحە لە پێشەوەی ریزی ئەو كەسانەدا بوو، كەمەبەستیان تەنها خودای گەورەو، خۆبەختكردن بۆ
ئاڵای پێغەمبەر بوو (صلی الله علیه وسلم).جا تەڵحە لە نێوەندی كۆمەڵی موسڵماناندا دەژیا و، لەگەڵ خواپەرستاندا پەرستشی خوای دەكرد و، لەگەڵ موجاهیداندا لە پێناوی خوادا جیهادی دەكرد و، بە هەردوو مەچەكیش لەگەڵ مەچەكی برا موسڵمانەكانیدا بنەماكانی ئەو ئاینە نوێیەیان دەچەسپاند كە هاتووە خەڵكی-هەموو خەڵك- لە تاریكیەوە بەرەو رووناكی ببات..مافی پەروەردگاریشی بەجێ هێنا، ئەوا دەڕوات بەسەر زەویدا كار دەكات و، لەسایەی فەزڵی خوادا دەخوازێت بازرگانیەكەی قازانجمەند و، كاروبارەكانی سەركەوتوو بێت.چونكە بەراستی تەڵحە لە هەموو موسڵمانان دەوڵەمەندتر‌و، لە هەمووشیان زیاتر سامانەكەی لە گەشەدا بوو..هەموو سامانەكەیشی لە خزمەتی ئەو ئاینەدا بوو كە لەگەڵ پێغەمبەری خوادا(صلی الله علیه وسلم) ئاڵاكەی هەڵگرتووە.. بەبێ ئەندازە لێی دەبەخشی..