ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
سه‌رپێچیه‌کانى بانگ بێژان .(١٣) په‌نجه نه‌خستنه ناو گوێ:
وه‌رگێڕانى : ناصح ئیبراهیم سازانى / سوننه‌ته بانگبێژ کاتێ که بانگ ده‌دات سه‌رى په‌نجه‌ى بخاته گوێچکه‌یه‌وه له‌به‌ر فه‌رموده‌که‌ى ئه‌بو جوحه‌یفه ره‌زاى خواى لێ بێ که ده‌ڵێت:
(رَأَيْت بِلَالًا يُؤَذِّن وَيَدُورُ وَيُتْبِعُ فَاهُ هَاهُنَا وَهَاهُنَا وَإِصْبَعَاهُ فِي أُذُنَيْهِ) . واته: بیلالم بینى بانگى ده‌فه‌رموو به‌ده‌م بانگدانه‌وه سه‌رى به‌م لاو لاى خۆیدا ده‌چه‌رخاند و دوو په‌نجه‌ى نابووه ناو هه‌ردوو کونه گوێی خۆی.
پێشه‌وا (ترمذي) ده‌ڵێ: ئه‌م فه‌رموده (حسن صحيح)ه له‌لایه‌ن ئه‌هلی زانست و زانیاریه‌وه کاری پێ ده‌کرێت, شتێکى ره‌وایه لایان ئه‌گه‌ر بانگبێژ په‌نجه بخاته ناو هه‌ردوو کونى گوێیه‌وه. پێشه‌وا ئه‌وزاعى ده‌ڵێ: هه‌روه‌ها له‌کاتى قامه‌ت کردنیشدا .
پێشه‌وا (حافظ) له کتێبی (فتح)دا ده‌ڵێ: زانایان فه‌رمویانه: ئه‌مه دوو سوودی تێدایه:
یه‌که‌م: بۆ ئه‌وه‌ى ده‌نگى به‌هێز بێ.. که ئه‌مه فه‌رموده‌ى لاوازى له‌سه‌ره.
دووهه‌م: نیشانه‌یه‌که بۆ ناسینه‌وه‌ى بانگبێژ بۆ ئه‌و که‌سانه‌ى له دووره‌وه ده‌یبینن یان که‌ڕن و نابیستن.
پێشه‌وا (الترمذي) ده‌ڵێ: زانایان فه‌رمویانه: په‌سه‌ند و موسته‌حه‌به بانگبێژ له‌کاتى بانگداندا دوو په‌نجه‌ى بخاته هه‌ردوو کونه گوێیه‌وه .