ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
گۆشتی مرداره‌وه بوو و خوێن
ئاماده‌كردنى /سه‌روه‌ر حه‌سه‌ن
مافى له‌چاپدانه‌وه‌ى پارێزراوه بۆ: نوسينگه‌ي ته‌فسير
گۆشتى مرداره‌وه‌بوو كۆگایه‌كه بۆ میكرۆب و نه‌خۆشییه كوشنده‌كان... ئایا ئه‌گه‌ر گرامێك خوێن یان گرامێك گۆشت له شوێنێكى دیار و ئاشكرادا دابنێین و بمانه‌وێت دواى سىَ یان چوار كاتژمێرى تر به‌كارى بێنین، هیچ زیانێكى ده‌بێت؟
به‌دڵنیاییه‌وه زیانێكى گه‌وره به‌ر به‌كارهێنه‌ره‌كه‌ى ده‌كه‌وێت. له‌وانه‌یه میكرۆبى نه‌خۆشى له‌ڕێى چه‌قۆ به‌كارهاتووه‌كه‌وه بۆ خوێنه‌كه گوێزرابێته‌وه، یان له‌ڕێى هه‌وارى ده‌وروبه‌ریه‌وه. ئه‌گه‌ر ژماره‌یه‌ك میكرۆب به‌هه‌ر ڕێگایه‌ك بۆ خوێنه‌كه‌ى گوازرانه‌وه، ئه‌وا هه‌ر تاكه میكرۆبێك به‌شێوه‌یه‌كى ئه‌ندازه‌یى هه‌موو نیو كاتژمێرێك چه‌ند هێند ده‌بێته‌وه، هه‌ر میكرۆبێك ده‌بێته دوان و... خۆئه‌گه‌ر واماندانا هه‌زار میكرۆب بۆ ئه‌و یه‌ك گرام خوێنه گوازراونه‌ته‌وه، ئه‌وا دواى نیوكاتژمێر ده‌بێته دووهه‌زار، دواى كاتژمێرێك ده‌بنه چوار هه‌زار و پاش كاتژمێر و نیوێك ده‌بنه هه‌شت هه‌زار و پاشان ژماره‌یان زیادده‌كات بۆ شانزه‌هه‌زار، دواى تێپه‌ڕبوونى دوو كاتژمێر، پاش سىَ كاتژمێریش ژماره‌ى میكرۆبه‌كان ده‌بنه شه‌ست و چوار هه‌زار كه به‌ته‌واوى ئه‌و گرام خوێنه داگیر ده‌كه‌ن. ئه‌مه سه‌ره‌ڕاى ئه‌و ڕاستییه‌ى كه هه‌ندێك له جۆره‌كانى به‌كتریا وه‌ك به‌كتریا چیلكه‌ییه‌كان (زۆبه‌شیان مه‌ترسیدارن) زۆر خێراتر له‌م نموونه‌یه له خوێندا گه‌شه‌ده‌كه‌ن.
ئه‌وه‌ش زانراوه خوێنى ئاژه‌ڵه‌كه ڕاسته‌وخۆ دواى مرداربوونه‌وه‌ى ژماره‌یه‌كى زۆر میكرۆبى تێده‌چێت (له‌به‌رئه‌وه‌ى لاشه‌ى ئاژه‌ڵه‌كه به‌رگرى نامێنێت) و به‌وه‌ش پیس و زه‌ره‌رمه‌ند ده‌بێت بۆ ته‌ندروستى مرۆڤ، ئه‌گه‌ر خواردیه‌وه، یاخود له جێگایه‌ك هه‌ڵى بگرێت و دواتر بیخواته‌وه.
زنجيره‌ى قورئان و زانست (5)
قورئان و گه‌ردوونناسى له نوسينگه‌ي ته‌فسير