ماڵپەری قورئانی پیرۆز

ئاماده‌کردنى: سانا حمدامین
به‌ئاگابه‌ به‌خۆچواندن به‌ ئافره‌تانى بێ باوه‌ڕ وداوێن پیسان, یان به‌خۆ چواندن به‌پیاوان, له‌فه‌رموده‌یه‌کى پیرۆزدا پێغه‌مبه‌ر صلى الله علیه‌ وسلم ده‌فه‌رموێ خواى گه‌وره‌ نه‌فره‌تى له‌و پیاوانه‌ کردووه‌ که‌ له‌ هه‌موو ڕه‌فتاریاندا وه‌ک ئافره‌ت هه‌ڵس و که‌وت ده‌که‌ن و خۆیان به‌ ئافره‌تان ده‌چوێنن.

نه‌فره‌تیشى له‌و ئافره‌تانه‌ کردووه‌ که‌وه‌ک پیاوان ڕه‌فتارده‌که‌ن و لاساییان ده‌که‌نه‌وه‌ و خۆیان به‌ پیاو ده‌چوێنن.
به‌ئاگابه‌ له‌ هه‌موو ئه‌و شتانه‌ى که‌ ده‌بنه‌ هۆى توڕه‌کردنى خواى پاک و بێگه‌رد و باڵا, وه‌ک له‌ فه‌رمووده‌یه‌کى پیرۆزدا قه‌ده‌غه‌یان لێکراوه‌: وه‌ک خۆ به‌پیاو چواندن, یان ژوان به‌ستن له‌گه‌ڵ پیاوى نامه‌حره‌م, یان گه‌شت کردن له‌گه‌ڵ که‌سانى نامه‌حره‌مدا, یان بێ شه‌رمى نواندن, یا خۆ ڕوتکردنه‌وه‌و ده‌رخستنى ئه‌ندامه‌کانى له‌شى, و له‌بیرکردنى په‌روه‌ردگارى, ئه‌مانه‌ش له‌و کاره‌ به‌دو ناوزڕێنانه‌ن که‌ ده‌بێته‌ هۆى چاندنى گرێ له‌دڵدا, وته‌نگ کردنى سینه‌و تاریک کردنى ژیانى دونیا و قیامه‌ت, ئه‌مه‌ش زۆر بڵاوه‌ له‌ ئێستادا له‌نێ ئافره‌تانى موسڵماندا, مه‌گه‌ر ئه‌وانه‌یان نه‌بێ که‌ خوا به‌زه‌یى پێیاندابێته‌وه‌.