ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
داهێنه‌ران ..
خواى گه‌وره به حیکمه‌تی خۆى هه‌رکه‌سه‌وتوانایه‌کى داوه‌تێ، جا ئه‌گه‌ر ئه‌و توانا و لێهاتوییانه‌ى له‌و که‌سه‌دایه له مناڵییه‌وه ڕێنمایى بکرێت، سه‌ره‌نجام ئه‌و که‌سه که‌سێکى
داهێنه‌رى لێ ده‌رده‌چێت.
دکتۆر طارق السویدان له باسى داهێناندا ده‌ڵێت: بۆ دروست بوونى داهێنه‌ران چوار قۆناغ هه‌یه:
یه‌که‌م: قۆناغى مناڵى: ئه‌م قۆناغه زۆر گرنگه، زۆربه‌ى زۆرى مناڵ توانا و لێهاتنى تیایه، ئه‌گه‌ر له لایه‌ن ده‌وروبه‌ره‌که‌یه‌وه په‌ره‌ى پێبدرێت و ڕێنمایى بکرێت، که‌سێکى داهێنه‌رى لێ ده‌رده‌چێت، که به‌داخه‌وه له‌م قۆناغه‌دا واته هه‌ر له سێ چوار ساڵییه‌وه به‌هۆى نه‌زانى دایک و باوک و پاشان ده‌وروبه‌ره‌وه تواناکان و لێهاتنه‌کانى ده‌پوکێته‌وه.
جارى وا هه‌یه مناڵێک بێ باوکه، به‌هۆى دایکییه‌وه یان مامۆستایه‌کییه‌وه، بێ باوکییه‌که‌ى بۆ ده‌بێت به خێرو ده‌بێته که‌سێکى داهێنه‌ر و سه‌رکه‌وتوو.
جارى واش هه‌یه مناڵێک که له خێزانێکى ده‌وڵه‌مه‌ندایه، یان له خێزانێکدایه که پله و پایه‌یه‌کى کۆمه‌لآیه‌تیان هه‌یه، ئه‌وه‌ش به‌هۆى گرنگى پێدانى ده‌وروبه‌ره‌که‌یه‌وه که‌سێکى لێهاتووى داهێنه‌رى لێده‌رده‌چێت ..
وتمان هى وا هه‌یه خواى گه‌وره توانایه‌کى داوه‌تێ که بۆ سه‌رکرده‌یى ده‌ست ده‌دا، عه‌مرى کوڕى عاص خوا تواناى زۆرى دابوویه، بۆیه که عومه‌رى کوڕى خه‌تتاب که‌سێکى بێ توانا و ده‌سته‌وسانى بدیایه ده‌یوت: پاک و بێگه‌ردى بۆ ئه‌و خوایه‌ى که تۆش و عه‌مرى کوڕى عاصیشى خه‌لق کردووه!
یان ده‌یفه‌رموو: ناگونجێ عه‌مرى کوڕى عاص سه‌رکرده نه‌بێت، که به زۆرزان و لێزانى عه‌ره‌ب به‌ناوبانگ بوو.