ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
تیاچوونى هاوبه‌ش په‌یداکاران :[حُنَفَاءَ لِلَّهِ غَيْرَ مُشْرِكِينَ بِهِ ۚ وَمَن يُشْرِكْ بِاللَّهِ فَكَأَنَّمَا خَرَّ مِنَ السَّمَاءِ فَتَخْطَفُهُ الطَّيْرُ أَوْ تَهْوِي بِهِ الرِّيحُ فِي مَكَانٍ سَحِيقٍ ] الحج : ٣١
![تیاچوونى هاوبه‌ش په‌یداکاران :[حُنَفَاءَ لِلَّهِ غَيْرَ مُشْڕكِينَ بِهِ ۚ وَمَن يُشْڕكْ بِاللَّهِ فَكَأَنَّمَا خَرَّ مِنَ السَّمَاءِ فَتَخْطَفُهُ الطَّيْرُ أَوْ تَهْوِي بِهِ الرِّيحُ فِي مَكَانٍ سَحِيقٍ ] الحج : ٣١](https://old.quran-kurd.com/site/sites/default/files/lshshrk_bllh.jpg)
ئه‌ندازیار عوسمان....[حنفاء لله غير مشركين به ، ومن يشرك بالله فكأنما خرَّ من السماء فَتَخْطفه الطير أو تهوي به الريح في مكان سحيق ] الحج : ٣١ . واته : خۆتان دوورخه‌نه‌وه و خۆتان لاده‌ن له‌هه‌موو
رێگا و رێبازێک وه‌رن به‌ره‌و به‌رنامه‌که‌ى خوا ، وه‌هاوه‌ڵ و هاوبه‌شى بۆ بڕیار مه‌ده‌ن و ، هه‌رکه‌س هاوبه‌ش بۆ خوا بڕیار بدات وه‌کو له‌ئاسمان که‌وتبێته خواره‌وه وایه ، دیاره هه‌ر که‌سێ له‌شوێنى وا به‌رزه‌وه بکه‌وێته خواره‌وه پارچه پارچه ده‌بێت ، ئنجا باڵدارى گۆشت خۆر به‌گورجى په‌لامارى بدات و هه‌ر پارچه‌یه‌ى به‌لایه‌ک دا ببات و هه‌ر پارچه‌یه‌یه‌ى بچێته جیقڵانه‌ى باڵدارێکه‌وه ، یان ره‌شه‌باى به‌هێز پارچه‌کانى به‌ره‌و شوێنى زۆر دوور به‌رێت … به‌راستى ئه‌مه وێنه‌یه‌کى زۆر جوان و ته‌واوه بۆ ئه‌و که‌سه‌ى که‌له فیتره‌تى خۆى لابدات و هاوبه‌ش بۆ خوا بڕیار بدات … ئه‌وکه‌سه له‌ئاسمانى به‌رزى ئیمانه‌وه ، له‌پله‌ى به‌رزى خوا ناسیه‌وه ده‌که‌وێته خواره‌وه به‌ره‌و (اسفل السافلين) به‌ره‌و چاڵى قووڵى کوفر و بێباوه‌ڕى ، دڵ و ده‌روون و هه‌ست و هۆشى پارچه پارچه ده‌بن ، باڵنده‌ى هه‌واو ئاره‌زووى هه‌رده‌مه‌ى به‌لایه‌کدا ده‌یبات و توشى ده‌رده سه‌ریه‌کى ده‌کات … که به ئاشکرا له‌ژیانى بێباوه‌ڕان دا هه‌ستى پێ ده‌کرێت … له‌تاوا به‌مه‌ى و مادده سڕکه‌ره‌کان له‌و (واقيعة) راده‌که‌ن که تیایا ده‌ژین !…