ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
(زوبه‌یری کوڕی عه‌وام) حه‌واری پێغه‌مبه‌ری خودا:(بەشی ٣)
نوسینگه‌ى ته‌فسیر .. نوسینى : خالد محمد خالد ..وه‌رگێڕانى : سهام به‌رزنجى / دەربارەی سەرگوزەشتەشی وتراوە:(هەرگیز كاری والییەتی و جبایە و كۆكردنەوەی سەرانە و، هیچ شتێكی
لە ئەستۆ نەگرتووە جگە لە جیهادكردن لە پێناوی خوا}.هەر بۆیە لایەنی چاكی وەك جەنگاوەرێك لە پشت بەستنی تەواوی بە خۆی و، متمانە بەخۆبوونیدا خۆی دەنواند.خۆگەر سەد هەزار جەنگاوەر لە جەنگدا بەشدار بوونایە لەگەڵیدا، سەیرت دەكرد وەك ئەوەی خۆی بە تەنهابێت دەجەنگا و... وەك ئەوەی بەرپرسیارێتی جەنگ و سەركەوتن تەنها لەسەر شانی ئەوە.چاكمەندی جەنگاوەرێتی ئەویش لە خۆڕاگری و، بەهێزی مێشكیدا خۆی دەبیینییەوە.لە رۆژی ئوحوددا سەرنجی دیمەنی (حەمزە)ی خاڵۆی دا كە بێ‌باوەڕەكان دڵڕەقانە جەستەی مردوویان شێواندبوو، هەر بۆیە وەك كێوێك لە بەردەمیدا راوەستا و ددانەكانی لەسەر یەك توند كردبوو و، توند دەسكی شمشێرەكەی گرتبوو و، تەنها بیری لە تۆڵەسەندنەوەیەكی سامناكی دەكردەوە، تا زۆر زوو نیگا هاتە خوارێ و قەدەغەی كرد لە پێغەمبەر(صلی الله علیه وسلم) و موسڵمانان كە بیریشی لێ بكەنەوە..!!