ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
ملکه‌چی هارون الرشید (تواضع هارون الرشيد)
هارون نوح ته‌ها......کتێبخانه‌ى محوى........ هارون الرشید یه‌کێک بوو له خه‌لیفه‌کانی عه‌باسی له به‌غدا، هه‌ندێ له‌ڕه‌وشته‌کانی ئه‌وه‌بوو
که زۆر ملکه‌چ بوو به‌رامبه‌ر به ئامۆژگاری زانایان وه‌زیاتر له خه‌لیفه‌کانی تری دوای خۆی ڕێزی له زانایان گرتووه ده‌ڵێن:
کۆشکێکی یه‌کجار گه‌وره‌و تایبه‌تی دروست کرد،وه‌خواردنو خواردنه‌وه‌یه‌کی زۆریشی تێدا ئاماده کرد بۆ ئه‌و خه‌ڵکه‌ی که سه‌ردانی ده‌که‌ن، ئێنجا یه‌کێکی له شاعیرانی به‌ناوبانگی ئه‌و سه‌رده‌مه‌ی بانگ کرد و پێی گوت: هه‌ندێک باسی ژیان و خۆشی دنیاو ئه‌و نازو نیعمه‌ته‌مان بۆ بکه که‌وا تێیداوین
شاعیر گوتی:
عيــش ما بدا لك سالما في ظل شاهقة القصور
تسعى اليك بما اشتهيت لدى الرواح الى البكور
فاذا النفوس تقعقعت عن ضيق حشرجة الصدور
فــــهناک تعلم موقنا ما کنــــت الا فی غــــرور
واته: له ژێر سێبه‌ری کۆشکی به‌رزت ژیان به‌سه‌رببه ئه‌وه‌نده‌ی ساغ وسه‌لامه‌تی، هه‌رچی ئاره‌زوو بکه‌یت ئه‌وا بۆی دێته به‌رده‌مت له ئێواره تاکو به‌یانی، به‌ڵام کاتی گیانه‌کانه هاواریان لێ هه‌ڵسا له‌به‌ر ته‌نگی وناخۆشی گیان ده‌رچوون له کاتێ مردن دا لێره‌دا چاک بزانه و دڵنیابه که تۆ ته‌نها مه‌غروری له خۆبایی بوویت.
کاتێ خه‌لیفه هارون الرشید ئه‌مه‌ی بیست زۆر کاری تێکردو زۆرگریا، ئینجا به شاعیره‌که‌یان گووت:
امیر المۆمنین بۆ ئه‌وه بانگی کردیت تاکو دڵی خۆش بکه‌یت و به‌شان وباڵای کۆشکه‌ی شیعر بڵێت به‌ڵام تۆ به‌ڕاستی غه‌مبار و ناڕه‌حه‌تت کرد.
خه‌لیفه گوتی: وازی لێ بێنن! ئێمه‌ی له تاریکی و کوێره‌وه‌ری بینی بۆیه پێی خۆش بوو که‌وا ئه‌و تاریکی و کوێڕه‌وه‌ری یه‌مان لێ زیاد نه‌کات