ماڵپەری قورئانی پیرۆز

چونكە ئەو تەنها ئامۆزای نەبوو و بەس، یان تەنها مێردی ئەسمائی كچی ئەبوبەكری خاوەن دوو پشتێن نەبوو و بەس، بەڵكو لە هەمان كاتدا ئەمەكدارێكی بەهێز و ئازا و، مەرد و بەخشندە و لەخۆبوردوو بوو، گیان و ماڵی خۆی بەخشیبێت بەخودای پەروەردگاری جیهانیان.

بەراستیش (حسانی كوڕی سابیت) چاكی پێكاوە كە لەبارەیەوە دەڵێت:

                                                                   أقــام علـى عهــد النبــي وهديــه                                  حواريّــه والقــول بالفعـل يعـدل

                                                                   أقــام علـى منـهاجــه وطــريقـــه                                  يوالـي ولـي الحـق، الحـقّ أعـدل   

                                                                  هو الفارس المشـهور والبطل الذي                                يصـول، اذا ما كان يـوم محجّـل

                                                                  لــه مـن رســول الله قـربـى قريبـة                                ومن نصرة الاسـلام مجـد مُؤَثـَّل

                                                                  فكـم كـربــــه ذبّ الزبيــر بســيفه                               عن المصطفى، والله يعطي ويجزل

واتە: لە سەردەمی پێغەمبەردا (صلی الله علیه وسلم) لەسەر رێنوێنی ئەو دەگوزەرا و حەواری ئەوبوو، قسەیش بەكردەوە دەسەلمێنرێ‌.. لە سەر رێباز و رێچكەی ئەو روی لە رەوگەی راست بوو، حەقیش دادپەروەرانەترە.. ئەو شۆڕەسوارێكی ناودار و ئەو پاڵەوانەیە كە لە رۆژی تەنگانە و سەختدا دەهات و دەچوو.. خزمێكی نزیكی پێغەمبەری خودایەو (صلی الله علیه وسلم)، لە سەرخستنی ئیسلامیشدا سەربەرزییەكی زۆری هەیە.. چەندی تەنگانە بە شمشێرەكەی لادا لە رێی پێغەمبەردا (صلی الله علیه وسلم) و، هەر خودایش دەبەخشێت و پاداشت دەداتەوە.

* * *

بەراستی پایەبەرز و ئاكار مەزن بوو.. ئازایەتی و بەخشندەییەكەیشی وەك ئەسپی برەو وابوو..!!

بازرگانێتیەكی سەركەوتووشی بەڕێوە دەبرد و، سامانێكی زۆریشی هەبوو، بەڵام هەمووی بۆ ئیسلام بەخشی تا بە قەرزاری گیانی سپارد..!!