ماڵپەری قورئانی پیرۆز

نوسینى : بورهان موحه‌مه‌د ئه‌مین / ئاماده‌کردنى : چێنه‌ر / (إبن جرير) دەگێڕێتەوە لە (عبدالله) ی كوڕی (عباس) ەوە كە دەڵێ : لە مەككەدا كۆمەڵێك هەبوون موسوڵمان بوون و ئیسلامەتیەكەیان شاردبویەوە، موشریكەكان

لەگەڵ خۆیاندا ئەمانیشیان هێنا بۆ غەزای (بەدر) و هەندێكیان كوژران و هەندێكی تریان بریندار بوون، موسوڵمانان ووتیان ئەوانە موسوڵمانن و بەزۆر هێنراون بۆیە داوای لێ خۆشبونیان بۆكردن خوای گەورەش ئەم ئایەتەی دابەزاند : {إِنَّ الَّذِينَ تَوَفَّاهُمُ الْمَلائِكَةُ ظَالِمِي أَنفُسِهِمْ.. }. عەبوڵڵای كوڕی عەبباس (ڕەزای خوای لێ بێت) دەڵێت: ئەم ئایەتە لە نامەیەكدا نوسرا بۆ ئەو موسوڵمانانەی كەلە مەككەدا مابونەوە كە هیچ بەهانەیەكیان نی یە كەلە مەككەدا بمێننەوە دەڵێت : جا هەموویان لە مەككە دەرچوون و موشریكەكانیش پێیان گەشتن و زۆریان لێ كردن بێ باوەڕ ببنەوە ئەمانیش بەناچاری بێ باوەڕ بوونەوە ئیتر ئەم ئایەتە دابەزی : {وَمِنَ النَّاسِ مَن يَقُولُ آمَنَّا بِاللَّهِ فَإِذَا أُوذِيَ فِي اللَّهِ جَعَلَ فِتْنَةَ النَّاسِ كَعَذَابِ اللَّهِ.. }. پاش ئەمە موسوڵمانان ئەم ئایەتەشیان نارد بۆیان ئەوانیش لە مەككە دەرچوون و بێ هیوا بوون لەوەی كە هیچ چاكەیەكیان لە مەككە دەست بكەوێت پاشان ئەم ئایەتە لەبارەیانەوە هاتە خوارەوە : {ثُمَّ إِنَّ رَبَّكَ لِلَّذِينَ هَاجَرُوا مِن بَعْدِ مَا فُتِنُوا ثُمَّ جَاهَدُوا وَصَبَرُوا إِنَّ رَبَّكَ مِن بَعْدِهَا لَغَفُورٌ رَّحِيمٌ }.وە ئەم ئایەتەشیان بۆ ناردن خوای گەورە ڕێگە چارەی بۆ داناون،ئه‌وانيش له‌ مه‌ككه‌ ده‌رچوون له‌ ڕێگه‌ موشريكه‌كان گه‌شتن پێيان ئه‌مانيش شه‌ڕيان كرد له‌گه‌ڵيان ئه‌وه‌ى كوژرا كوژرا و ئه‌وه‌شى ڕزگارى بوو ڕزگارى بوو.