(خوبه‌یبی کوڕی عه‌دی) پاڵه‌وانێک ... به‌سه‌ر خاچه‌وه‌ !! (به‌شى ٤)

- بۆ خویندنه‌وه‌ى قورئان و گوێ گرتن له‌ هه‌ر قورئانخوێنێک کلیک لێره‌ بکه
- بۆ گوێ گرتن له‌ قورئان و خوێنه‌وه‌ى وبینینى ته‌فسیره‌که‌ى پێکه‌وه‌ به‌کوردى و زمانه‌ جیهانیه‌کان کلیک لێره‌ بکه

نوسینگه‌ى ته‌فسیر .. نوسینى : خالد محمد خالد ..وه‌رگێڕانى : سهام به‌رزنجى / بێ باوه‌ڕان هه‌واڵى تیاچوونى (زه‌يدى كوڕى ديسيننه‌)ى برایان (خوا ليى ڕازى بێت) گه‌یاند به‌ خوبه‌یب..وایان گومان ده‌برد که‌

به‌وه‌ مێشکى تێک ده‌ده‌ن و، ئازارى مردنى پێ ده‌چێژن، ئه‌وان بێ ئاگابوون له‌وه‌ى که‌ خوداى خاوه‌ن میهر و به‌زه‌یى میواندارى کردووه‌و، سه‌بوورى و به‌زه‌یى خۆى به‌سه‌ردا رژاندووه‌.ئه‌مجا ده‌ستیاندایه‌ سازشکردنى له‌سه‌ر ئیمانه‌که‌ى و، هانیان ده‌دا که‌ رزگارى ده‌بێت گه‌ر بێ باوه‌ڕ بێت به‌رامبه‌ر موحه‌ممه‌د و، به‌ر له‌ویش به‌رانبه‌ر ئه‌و په‌روه‌ردگاره‌ى بڕواى بێ هێناوه‌.. به‌لآم ئه‌وان وه‌ک ئه‌و که‌سه‌ وابوون که‌ ده‌یه‌وێت تیر بگرێته‌ خۆر..!!

به‌ڵي ئیمانى خوبه‌یب وه‌ک خۆر به‌هێز و، دوور و، ئاگراوى و، رووناکى به‌خش بوو..

هه‌موو ئه‌وانه‌ى رووناک ده‌کرده‌وه‌ که‌ رووناکییان لێى ده‌خواست، گشت ئه‌وانه‌ى گه‌رم ده‌کرده‌وه‌ که‌ گه‌رمیان لێبڕابوو، ئه‌و که‌سه‌یشى لێى نزیک ببوایه‌ته‌وه‌و دژى بوه‌ستایه‌ ده‌یسوتاند و له‌ناوى ده‌برد.

کاتێک که‌ بێ ئومێد بوون له‌وه‌ى ده‌یانویست، پاڵه‌وانه‌که‌یان به‌ره‌و چاره‌نووسى برد و... هێنایانه‌ ده‌ره‌وه‌و به‌ره‌و جێگایه‌کیان برد که‌ پێى ده‌وترا (ته‌نعيم)، جا شه‌هیدکردنى له‌وێدا بوو..

هه‌رکه‌ گه‌یشتنه‌ ئه‌وي خوبه‌یب مۆڵه‌تى لێ خواستن که‌ دوو رکات نوێژ بکات، ئه‌وانیش وایان گومان ده‌برد که‌ له‌گه‌ڵ خۆیدا بدوێت بگاته‌ ئه‌و بڕیاره‌ى که‌ خۆى بدات به‌ ده‌سته‌وه‌و بێ باوه‌ڕى خۆى به‌رامبه‌ر خودا و پێغه‌مبه‌ر (صلى الله عليه‌ وسلم) و ئاینه‌که‌ى رابگه‌یه‌نێت..

ئه‌مجا (خوبه‌يب) به‌ ملکه‌چى و، هێمنى و و، خۆ به‌که‌مزانینه‌وه‌ دوو رکات نوێژى کرد و.. شیرینى ئیمان له‌ گیانیدا سه‌رڕێژى ده‌کرد و، حه‌زى ده‌کرد که‌ هه‌ر نوێژى بکردایه‌و، به‌رده‌وام له‌ نوێژدا بوایه‌..

به‌ڵام ئاوڕى له‌ بکوژه‌کانى دایه‌وه‌و پێى وتن:

{سوێند به‌خوا، گه‌ر له‌به‌ر ئه‌وه‌ نه‌بوایه‌ وابزانن ترس و بیمى مردنم هه‌یه‌، نوێژه‌که‌م زیاتر درێژ ده‌کرده‌وه‌}..!!

پاشان هه‌ردوو ده‌ستى بۆ ئاسمان به‌رز کرده‌وه‌و، وتى:

{خودایه‌، یه‌ک به‌یه‌کیان بژمێره‌ و، به‌ کۆمه‌ڵ بیانکوژه‌}

دواتر جه‌سورانه‌ له‌ روخساریان راما و ده‌ستى به‌ هۆنراوه‌ وتن کرد:

ولست أبالی حین أقتل مسلما على أیى جنب کان فی الله مصرعی

وذلک فی ذات الإله وإن یشأ یبارک على أوصـال شـلو ممزع

واته‌: که‌ به‌ موسڵمانى ده‌کوژرێم، ئیدى به‌ هه‌رلایه‌کدا له‌پێناوى خوادا بێت تیاچوونم، ئه‌مه‌ش له‌ پێناوى خودایه‌کدا گه‌ر بیه‌وێت، ئه‌و رێگه‌ى خێرا ده‌کات که‌ نێچیر له‌ ده‌ست راوچى راده‌کات و پیرۆزى ده‌کات.

* * *

له‌وانه‌یه‌ که‌ ئه‌وه‌ بۆ یه‌که‌مجار بووبێت له‌ مێژووى عه‌ره‌بدا پیاوێک له‌خاچ بده‌ن و پاشان به‌سه‌ر خاچه‌که‌وه‌ ده‌یکوژن.. هاتن له‌ دارى خورما خاچێکى گه‌وره‌یان ئاماده‌ کرد و خوبه‌یبیان پێوه‌ به‌سته‌وه‌و.. هه‌رچوارپه‌لیان توند شه‌ته‌ک دا و، بێ باوه‌ڕه‌کان به‌شێوه‌یه‌کى زۆر کۆبوونه‌وه‌و.. تیرهاوێژه‌کانیش رمه‌کانیان تیژکردبووه‌وه‌.

هه‌موو ئه‌و دڕنده‌یه‌تیه‌ به‌رانبه‌ر ئه‌و پاڵه‌وانه‌ له‌خاچ دراوه‌ به‌هێواشى به‌ڕێوه‌ ده‌چوو..!!

ماڵپەری قورئانی پیرۆز

سەرەکیەکان

ئاماری ماڵپەر

ته‌فسیری ئاسان دابه‌زێنه‌

خوێندنەوەو تەفسیری قورئانی پیرۆز

(خوبه‌یبی کوڕی عه‌دی) پاڵه‌وانێک ... به‌سه‌ر خاچه‌وه‌ !! (به‌شى ٤)