ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
گه‌نج وکه‌سێتى پێغه‌مبه‌ر (صلى الله عليه وسلم)لایه‌نه‌کانى که‌سێتى ......به‌شی حه‌وته‌م
له (صحيح)ى بوخاریدا هاتووه، (ئه‌بو هوره‌يره) له پێغه‌مبه‌رى خوا (صلى الله عليه وسلم) ده‌گێڕێته‌وه، که (ليش الشديد بالصرعة، انما الشديد الذي يملك نفسه عند الغضب)، یان له فه‌رمووده‌ى تردا پێغه‌مبه‌ر هانى که‌سى توڕه ده‌دات بڵێ [اعوذ بالله من الشيطان الرجيم]. هه‌وره‌ها فه‌رموویه‌تى تووڕه‌یى پشکۆیه‌که له دڵى مرۆڤدا داده‌گیرسێنرێ، ئایا نابینین چۆن روخسارى هه‌ڵده‌ئاوسێ و چاوه‌کانى سوور هه‌ڵده‌گه‌ڕێ، ئه‌گه‌ر دانیشتبوو، با پاڵکه‌وێت. له فه‌رمووده‌یه‌کى تردا ده‌فه‌رمووێت هیچ له‌وه لاى خوا خۆشه‌ویستر نییه له تووڕه‌یى پیاوێک که بیخواته‌وه، یان ئارمگراتن له کاتى کاره‌ساتدا. له‌ولاشه‌وه ئیسلام هاوسه‌نگى و هه‌ماهه‌نگى هاوشێوه‌ى له‌نێوان جه‌سته و لایه‌نى کۆمه‌لآیه‌تى مرۆڤدا دروستکردووه، جه‌سته‌ى مرۆڤ شایه‌نى رێزلێگرتن و چاودێریکردنه له‌لایه‌ن که‌سانى ده‌وروبه‌ر و هاوده‌مه‌کانى له ته‌ندروستى و نه‌خۆشى و مردنیدا، له‌به‌رامبه‌ردا هه‌ر ئه‌م جه‌سته‌یه شایه‌نى سزادانه له کاتى ئه‌نجامدانید، ئه‌مه‌ش له کاتى سزادانیشیدا نابێت زیاده‌ڕۆیى بکرێ و لایه‌نه ماددى و مه‌عنه‌وییه‌کانى فه‌رامۆش بکرێ و گاڵته و سوکایه‌تى پێ بکرێ.