ماڵپەری قورئانی پیرۆز

پێغه‌مبه‌رى خۆشه‌ویست زۆر جار بیرى ده‌کرده‌وه‌ ئاخۆ له‌دواى خۆى ئه‌م په‌یامه‌ ده‌که‌وێته‌ ده‌ست کێ ، خواى په‌روه‌دگاریش له‌م چه‌ند ئایه‌ته‌دا باسى ئه‌م مه‌سه‌له‌یه‌ى بۆده‌کات و ده‌فه‌رموێت :

[ و الذي أوحينا اليك من الكتاب هو الحق مصدقاً لما بين يديه ، ان الله بعباده لخبير بصير ، ثم أورثنا الكتاب الذين اصطفينا من عبادنا فمنهم ظالم لنفسه ومنهم مقتصد ، ومنهم سابق بالخيرات باذن الله ، ذلك هو الفضل الكبير ] فاطر : ٣٢ .واته‌ : ئه‌وه‌ى به‌سرووش بۆمان ناردویت له‌م په‌ڕاوه‌دا هه‌ق و راستى یه‌ و دان ده‌نێ به‌ڕاستى په‌ڕاوه‌ ئاسمانیه‌کانى پێش خۆى دا ، به‌راستى خوا ئاگاداروبینایه‌ به‌به‌نده‌کانى ، نامه‌که‌مان به‌میرات دا به‌که‌سانێکى هه‌ڵبژێردراو له‌به‌نده‌کانمان . پاشان به‌شێکیان سته‌م له‌نه‌فسى خۆیان ده‌که‌ن به‌هۆى گوناهى گه‌وره‌وه‌ و حیسابێکى زۆریان له‌گه‌ڵ ده‌کرێ ، وه‌ به‌شێکى دیکه‌یان که‌متر گوناه ده‌که‌ن و حیسابیان ئاسانتره‌ ، وه‌ به‌شى سێ هه‌میان پێش بڕکێ ده‌که‌ن به‌ یارمه‌تى خوا بۆ کارى چاکه‌ و مه‌شخه‌ڵدارى راسته‌قینه‌ن که‌ ره‌نگه‌ زۆریان به‌بێ حیساب بچنه‌ به‌هه‌شته‌وه‌ .

به‌ڵێ (باذن الله) پێشبڕکێ ده‌که‌ن له‌کارى خێردا ، وه‌ ئه‌و بانگه‌وازه‌ى که‌ ده‌یکه‌ن وه‌ک دره‌ختێکه‌ که‌ (باذن الله) به‌رهه‌مى ده‌بێت . زانینى ئه‌م راستیه‌ پێویسته‌ بۆ ئه‌وه‌ى بانگخوازان له‌خۆیان بایى نه‌بن و هه‌رده‌م سوپاسى خوا بکه‌ن له‌سه‌ر ئه‌وه‌ى ده‌بنه‌ میراتگرى پێغه‌مبه‌ر