ماڵپەری قورئانی پیرۆز

 -١(إذ نادى ربه نداء خفيا) اية ٣

بە پەنهانى لە نێوان خۆى و خوادا داوا لە خوا دەكات لە كاتێك كەس ئاگاى لێ نيە، بەڵام خواى گەورە لەم قورئانە تۆمارى كرد و هەموو خەڵك پێی زانى تاكو ببێتە وانەيەك بۆ هەمووان تا ڕۆژى دوايی ، سازاندنى كات و شوێن و لايەنى دەروونى زۆر گرنگە بۆ دوعا كردن هەر وەك لە سورەتى ال عمران دەفەرمووێ ( هنالك دعا زكريا ربه) .

٢- ( قال رب إني وهن العظم مني واشتعل الرأس شيبا) لێرە زكريا عليه السلام لاوازى و بێ هێزى و زەليلی خۆى بۆ خواى گەورە بەيان دەكات ئەوەش كڕۆك و ناوەڕۆكى بەندايەتیيە تاكو زياتر ببێتة مايەى دابەزاندنى ڕەحمەتى خوا ئەوەش خاڵێكى زۆر گرنگە لە هونەرى دوعا و پاڕانەوە.

٣-  پاشان دەفەرمووێ ( ولم أكن بدعائك رب شقيا) مرۆڤ دەبێ بە ئومێدەوە دوعا بكات و هەرگيز نەڵێ دوعام كرد بەڵام بێ سوود بوو يان قبول نەكرا، چونكە تۆ لە خوايەك دەپاڕييتەوە كە (سميع ومجيب) ە

٤- (وإني خفت الموالي من ورائي وكانت أمرأتي عاقرا فهب لي من لدنك ولياً . يرثني ويرث من آل يعقوب واجعله رب رضيا) اية ٥-٦

ئامانج لە دوعا زۆر گرنگە ، دەبێ بزانی چيت لە خوا دەوێ ؟ لێرە ئامانجى دوعاى زكريا بەدەردەكەوێت كە بريتييە لە بەخشينى منداڵێكى صالح كە ببێتة ميراتگر و جێنشينى باوكى لە گەياندنى بانگەوازى خوا و درێژەدان بە پەيامى باب و باپيرانی ( ال يعقوب) تاكو ببێتە جێگاى ڕەزامەندى خواى پەروەردگار.

بەداخەوە زۆر جار مرۆڤەكان گيرۆدەى دوعايەكانى خۆيانن چونكە دوعا دەكەن بێ ئەوەى ئامانج و پەيام لە دوعايەكانيان دياربێت، زكريا نايەوێ منداڵی ببێت تاكو پێی نەڵێن ووچاغی كوێربوو!! بەڵكو بۆ ئەوەى بوو تاكو پشتيوانى لێ بكات و درێژە بە پەيامەكەى بدات ، وە شتێكى ئاسايی ئەگەر حەزى نفسی خۆيشی تێدا بێت وەك لە شوێنێكى تر دەفەرمووێ ( رب لاتذرني فردا وانت خير الوارثين).

خوايە گيان داوات لێ دەكەين منداڵەكانمان صالح بكەيت و منداڵی صالحيش ببەخشی بەو كەسانەى كە منداڵيان نيە آمين.