ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
نموونەی چەند بەردێكی نەرمتر لەدڵانی جوولەكەكان..چیرۆكه قورئانیه‌كان
نووسینی /د.صلاح عبدالفتاح الخالدی /نووسینگه‌ی ته‌فسیر///بێگومان دڵانی جوولەكەكان لەبەرد ڕەقترە..بەڵێ، بەردیش لە دڵانی جوولەكەكان نەرمترە. بۆ دەلالەت‌و بەڵگە هێنانەوە لەسەر ئەم ڕاستییە ئایەتەكە چەند نموونەیەك بۆ ئەو بەردە نەرم‌و
ملكەچە دێنێتەوە، ئەم نموونانەش كردەیی‌و واقیعیین‌و، لە ژیانی خودی جوولەكەكانەوە وەرگیراون، ئەمانە چەند رووداوێك بوون كە جوولەكەكان خۆیان دیویانەو بەچاوی خۆیان نەرمیی بەردیان بینیوە.
ئەم راستییە ئاتاجی بە نـمایشكاری‌و نواندن نییە، چونكە جوولەكەكان خۆیان وخەڵكیتریش دەیزانن، ئەی لەكوێوە كانیاوو رووبارەكان هەڵدەقوڵێن‌و دەتەقێنەوە؟ ئایا لەچیاكانەوە نییە؟ بێگومان بەردی چیاكان نەرم بۆتەوە، تاكو ڕووباری لێ بتەقێتەوەو دەرچێت.
ئەم رووداوەش جوولەكەكان بەچاوی خۆیان بینیویانە.. ئەوەبوو لەبیاباندا تینوویان بوو، داوایان لە موسا- كرد، كە ئاویان پێ بدات (موسا)ش -سڵاوی خوای لێ بێت- داوای ئاوی لە خودا كرد. خوداش فەرمانی پێكرد، كە بە داردەستەكەی لە زەوی بدات ئەویش وایكرد، جوولەكانیش بینیان ئەوا دوازدە كانی (لەنێو بەردەكانەوە وەك قۆناغی یەكەم بە فیچقە دەردەچن بۆ تەقینەوە، پاشان بەشێوەی تەقینەوە دەركەوت‌و ئاوێكی زۆری بەلێشاو لێ دەڕۆی. لەمبارەیەوە خودا فەرموویەتی
ئەمەش نموویەكی كردەیی (عەمەلی)ی دیكەیە، كەوا جوولەكەكان لەڕێی (موسا)ی پێغەمبەریانەوە زانیاریان لەسەری دەسكەوتووە. چونكە ئەم نموونەیە لە خودی موسا خۆیدا بەدی هاتووە، ئەوەبوو كاتێك چووە خزمەت خوداو ڕووی دوعاو پاڕانەوەی لێكرد، داوای لێكرد بیبینێت، خوداش لە وەڵامدا پێ‌ی راگەیاند، كە موسا ناتوانێت لەدنیادا – خودا ببینێت- بەڵام خودا خۆی پیشانی چیایەكداو چیاكەش سووتاو وردوخـاش بوو، واتە بێگومان ئەو چیایە لەترسی خودا كەوت‌و ورد بوو،