ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
په‌روه‌رده‌و فێرکردن کۆمه‌ڵگا ده‌گۆڕێت .. (به‌شى دووه‌م)
هەروەها رینیەدوبو كە پسپۆڕە لەو بوارەدا دەڵێ: زاست تاوانبارە بە ڕووخاندنی بەها باڵاكان بەبێ ئەوەی بەدیلێكی هێنابێ بۆ دیاری كردنی هەڵسوكەوتی مرۆڤ و بیروبۆچوونی لەبارەی بوونەوەرەوە.. ئەمڕۆ مرۆڤ زەحمەتە بژی
بەبێ ئەوەی لەخۆی و دەوروبەری تێ‌بگات..
هەرەها زانای كۆمەڵناسی ئەمریكی (ئیرنست بیكەر) ڕەخنە لە پەروەردەی ڕۆژئاوا دەگرێ كە دین و زانستی جیاكردۆتەوە و دەڵێت: كەنیسە نەیتوانی لایەنی ڕۆحی ڕۆژئاواییەكان بەرەو پێش بەرێ و نەیتوانی بۆشایی لایەنی ڕۆحییان بۆ پڕبكاتەوە.
لە حوزەیرانی ساڵی (١٩٨٠)شدا كۆنفرانسێكی پەروەردەیی سازكرا لە ویلایەتی فیرمۆنتی ئەمریكی بۆ دیراسەی (زانست و پەروەردە و بەها ئینسانییەكان: بەرەو بەدەستهێنانی خۆتەواوكردنی گشتی). كە پەنجا پسپۆڕ و كەسایەتی ناودار بەشداریان تیاكرد و جەخت كرایەوە سەر گرنگیدان بە زانست و بەها باڵاكان.
چوارچێوەی گشتی پەروەردەی ئیسلامی ئەتوانین لەم ئایەتەوە تێ بگەین كەدەفەرموێت(هُوَ الَّذِي بَعَثَ فِي الْأُمِّيِّينَ رَسُولًا مِّنْهُمْ يَتْلُو عَلَيْهِمْ آيَاتِهِ وَيُزَكِّيهِمْ وَيُعَلِّمُهُمُ الْكِتَابَ وَالْحِكْمَةَ وَإِن كَانُوا مِن قَبْلُ لَفِي ضَلَالٍ مُّبِينٍ )الجمعە ٢.
ئەم ئایەتە مەنهەجی پەروەردەی ئیسلامی دیاری دەكات كە بریتییە لەو كارەی كە حەزرەتی (صلى الله عليه وسلم) بۆ هەڵبژێردراوە ئەنجامی بدات.
أ- ئایەتەكانی پەروەردگاریان بەسەرا بخوێنێ، ئایەتەكانیش دوو جۆرن، یەكەم: ئایەتەكانی قورئان كە كەلامی خوایە و بەرنامەی ژیانی مرۆڤایەتییە تا قیامەت، دووەمیش: ئایەتەكان بەڵگە و نیشانەكانی بونەوەرن كە بەردەوام دۆزینەوەی تازە دێتە ئاراوە و مرۆڤ بەرەو یەقینیات دەبات.