ماڵپەری قورئانی پیرۆز

ئێمە وا تێگەيشتووين كە ناوى ( الرحمن) تەنها بۆ ڕەحمەت و ميهرەبانى خوا بەكاردێت بەڵام بە چاوخشاندنێك بۆمان ڕوون دەبێتەوە وانيە ؟

١- الرحمن ناوێكە پەيوەستە بە زاتى خواى پەروەردگار( قل أدعو الله او أدعو الرحمن أيا ما تدعو فله الأسماء الحسنى) الإسراء اية ١١٠

٢- بێ باوەڕان زۆر ڕقيان لەناوى الرحمن بوو ( وإذا قيل لهم اسجدوا للرحمن قالوا وما الرحمن انسجد لما تأمرنا وزادهم نفورا) الفرقان اية ٦٠

٣- لە هەر شوێنێك باسى ( استوى على العرش ) كرابێت باسى الرحمن كراوە ،( الرحمن على العرش استوى) طه اية ٥

٤- بۆيە مريم پەنا بۆ الرحمن دەبات ( إني أعوذ بالرحمن منك ان كنت تقيا) اية ١٨

٥- بەڵكو لەمەش زياتر ابراهيم عليه السلام كاتێك باوكى لە سزادانى خوا ئاگادار دەكاتەوە دەفەرمووێ ( إني أخاف أن يمسك عذاب من الرحمن ) ! بۆيە توندترين سزا لە دۆزەخ ئەوان كە زۆرترين سەركەشيان ئەنجام داوە بەرامبەر الرحمن ( ثم لننزعن من كل شيعة أيهم اشد على الرحمن عتيا) بەتايبەت ئەوانەى منداڵ بۆ الرحمن بڕيار دەدەن ( ان دعوا للرحمن ولدا . وما ينبغي للرحمن ان يتخذ ولدا) اية ٩١-٩٢

٦- لە بەرامبەر ئەوەش بەندە ڕاستەقينەكانى خوا هەڵوێستيان چەند جياوازە بەرامبەراياتى الرحمن كاتێك بەسەرياندا دەخوێنرێتەوە يەكسەر بە گريانەوە دەكەونە كرنۆش بردن بۆى ( إذا تتلى عليهم آيات الرحمن خرو سجدا وبكيا) اية ٥٨ ئەو بەندانەن كە (الرحمن ) وەعدی خۆيان بۆ جێ بە جێ دەكات كە بەهەشتە ( جنات عدن التي وعد الرحمن عباده بالغيب انه كان وعده مأتيا) اية ٦١ جگە لەم پاداشتە خۆشانە ، خۆشەويستى و ڕێز لێنانی زۆرو پێشوازى جوانيش هەر لە ( الرحمن ) دەوەشێتەوە وەك دەفەرمووێ ( يوم نحشر المتقين الى الرحمن وفدا) هەروەها ( ان الذين آمنوا وعملوا الصالحات سيجعل لهم الرحمن ودا) 

لە كۆتايی داوا لە الرحمن دەكەم بمانخاتە بەر لێشاوى ڕەحمەت و خۆشەويستى خۆى و پەنامان بدات لە كەسى خراپ و سزاى دۆزەخ و بەو بەهەشتە شادمان بكات كە وەعدى پێداوين و وامان لێ بكات سوود لە ئايەتەكانى وەربگرين تاكو نازناوى ( عباد الرحمن) بە خەڵات وەربگرين امين.