ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
له پێناو په‌روه‌رده‌یه‌کی دروستی نه‌وه‌کانمان (4) کۆک بوونی دایک و باوک له‌سه‌ر یه‌ک جۆر په‌روه‌رده:
په‌روه‌رده‌ی خێزانی ته‌ندروست بریتیه له وه‌ی که دایک و باوک به‌یه‌که‌وه و هه‌ماهه‌نگی هه‌ستن به‌و ئه‌رکه سه‌ره‌کی و بنه‌ڕه‌تیه‌ی که له بنه‌ره‌تدا خیزانی له پێناو داده‌مه‌زریت که ئه‌ویش بریتیه له پێشکه‌شکردنی نه‌وه‌یه‌کی به‌سودو کارا به خیزان و کۆمه‌ڵگه له لایه‌ک له لایه‌کی تر به مرۆڤایه‌تی، لێره‌دا پیویسته هه‌ردوو لا ئاگاداری ئه‌وه بن که ئه‌وانن دواجار چ تاکێک پیشکه‌شی کۆمه‌ڵگا ده‌که‌ن و ده‌بی زۆر وردو به هه‌ستیاریه‌کی ته‌واوه‌وه مامه‌ڵه له‌گه‌ڵ نه‌وه‌کانیان بکه‌ن، زۆر جار دایک و باوک ده‌که‌ونه هه‌ڵه‌وه له کاتی په‌ره‌رده‌کردنی منداڵه‌کانیان ئه‌ویش کۆک نه‌بوونیانه له‌سه‌ر یه‌ک جۆر په‌روه‌رده، ده‌بێ هه‌ردوولا ئه‌وه بزانن که کۆک نه‌بوونیان له‌سه یه‌ک جۆر په‌روه‌رده کاریگه‌ری زۆر خراپ جێده‌هێڵی له سه‌ر دوارۆژی نه‌وه‌کانیان و تاکێکی ناته‌ندروست دروست ده‌بێت، ده‌توانین بڵێین جۆرێک له ئیزدواجیه‌ت له ده‌روونی منداڵه‌که‌دا دروست ده‌بێت، بۆیه ده‌بێ وریا بین و پێویسته هه‌ردوو لا (دایك و باوك) شاره‌زایی په‌یدا بکه‌ن و خۆیان رۆشنبیر بکه‌ن له رووی چۆنیه‌تی په‌روه‌روه‌رده‌کردن و شێوازی په‌روه‌رده‌و چۆنیه‌تی ئاراسته کردنی نه‌وه‌و منداڵه‌کانیان، چونکه ململانێی دایک و باوک له‌سه‌ر چۆنیه‌تی په‌روه‌رده‌کردنی منداڵ کاریگه‌ری خراپی ده‌بێت له‌سه‌ر داهاتووی نه‌وه‌کانمان له‌به‌ر ئه‌وه‌یه پێویسته رێک بکه‌وین له‌سه‌ر چۆنیه‌تی و شێوازی په‌روه‌رده‌ی منداڵه‌کانمان.
بۆیه گرنگه دایک و باوک هه‌م هه‌ماهه‌نگ بن هه‌م کۆک بن له سه‌ر چۆنیه‌تی رێنمایی و ئاراسته‌کردنیان چونکه به پێچه‌وانه‌وه تاکێکی دوانی و ئیزدیواجی لی به‌رهه‌م دێ که دواجار ئه‌و تاکه ناتوانێ ببێته خاوه‌نی خۆی و شوناسی خۆی بزر ده‌کات، لێره‌دا ئه‌وه‌مان بۆ روون ده‌بێته‌وه که پێویسته پێش پرۆسه‌ی په‌روه‌رده دایک و باوک گفتوگۆو حیوار به‌ن بۆ چۆنیه‌تی و شێوازی په‌روه‌رده‌کرنی نه‌وه‌کانیان چونکه دوو رێنمایی و دوو ئاراسته‌کردن منداڵ توشی شله‌ژانی کۆمه‌ڵایه‌تی و ده‌روونی ده‌کات.
أبوبکر سلێمان محمد