ماڵپەری قورئانی پیرۆز

نوسینى : ئه‌بوبکر صدیقی.....نوسینگه‌ى ته‌فسیر-هه‌ولێر......بابه‌تى یه‌که‌م: پاک و خاوێنى جۆره‌کانى پاکى-جۆره‌کانى پیسى-ده‌ستنوێژگرتن و خۆ شۆرین-مه‌سح کردن ته‌یه‌موم کردن-حه‌یز-زه‌یسانى-خوێنه‌ چرکه‌.
پاک و خاوێن له‌شه‌رعدا ئه‌وه‌یه‌: لاشه‌و پۆشاک و جێگه‌ى نوێژکه‌ر پاک و خاوێن بێ له‌بێ ده‌ست نوێژى و له‌شگرانى(الحدث الاصغر والأكبر) وه‌ هه‌م له‌میزو پیسایى و پیسى پاک بێ وه‌کو له‌دواییدا باسى ئه‌که‌ین انشاء الله، خواى کاربه‌جێ داواى پاک و خاوێنى له‌ مسوڵمانان کردووه‌و فه‌رموویه‌تى: [وثِيابَكَ فَطَهِّرْ ] واته‌: پۆشاکه‌که‌ت پاک بکه‌ره‌وه‌، یان فه‌رموویه‌تى: [وإِنْ كُنْتُمْ جُنُباً فاطَّهَّروا ].واته‌: ئه‌گه‌ر ئێوه‌ له‌ش گران بوون خۆتان پاک بکه‌نه‌وه‌، وه‌ پێغه‌مبه‌ر ص فه‌رموویه‌تى: (الطَّهُور شَطْرُ الإِيمانِ) ( الحديث أخرجه مسلم و أحمد عن ابي مالك الأنصارى). واته‌: ده‌ستنوێژو پاک و خاوێنى نیوه‌ى باوه‌ڕه‌ (ئيمانه).