ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
حاڵەتی مرۆڤ لەكاتی خەوتندا (هەڵیاندەگێڕینەوە)..له‌قورئاندا
نووسینی /سه‌روه‌ر حسن /نووسینگه‌ی ته‌فسیر ///خوای گەورە لەباسی گەنجەكانی ناو ئەشكەوتەكە كە بەخەوتویی ماوەی سێ سەد ساڵ و نۆیش زیاتر مانەوە، دەفەرموێت: {وَتَحْسَبُهُمْ أَيْقَاظًا وَهُمْ رُقُودٌ وَنُقَلِّبُهُمْ ذَاتَ الْيَمِينِ وَذَاتَ الشِّمَالِ وَكَلْبُهُمْ بَاسِطٌ
ذِرَاعَيْهِ بِالْوَصِيدِ لَوِ اطَّلَعْتَ عَلَيْهِمْ لَوَلَّيْتَ مِنْهُمْ فِرَارًا وَلَمُلِئْتَ مِنْهُمْ رُعْبًا (18)} [الكهف] واتە: ئێمە ئەمدیو و ئەودیویان پێدەكەین و بەلای ڕاست و بەلای چەپیاندا هەڵیان دەگێڕینەوە.
لەو توشبوونە باو و ناڕەحەتانەی لە نەخۆشخانەكاندا و لەكاتی چارەسەركردندا ڕووبەڕووی پزیشكە ڕاهێنراوەكان دەبێتەوە گرفتی ڕوودانی برینی سەرجێیە (قرحە السریر- Bed Sore) لای ئەو نەخۆشانەی حاڵەتەكانیان پێویستی بەمانەوەی درێژخایەن هەیە لەسەر جێگا، وەك شكانی حەوز و بڕبڕەی پشت یان ئیفلیجی یاخود لەهۆشخۆچوونە درێژخایەنەكان... ئەمانەش بریتین لە قورحەیەك و لە پێست و شانەكانی ژێریدا دەمرن بەهۆی نەگەیشتنی خوێنی پێویست و تەواو بەهەندێك لە ناوچەكانی پێست. ئەمەش لە ئەنجامی پەستاوتنی لە نێوان بەشە ڕەقەكانی لەش و شوێنی ڕاكشانەكەدا، زۆربەی جار لە ناوچە بەتەمەن و پەككەوتەكان و لای دەفەی شان و قولە پێیەكانەوەیە.
خۆپارێزیەكیش نییە لەم نەخۆشیە تەنها هەڵگێڕانەوەی نەخۆشەكە نەبێت بە بەردەوامی هەموو دووسەعات جارێك، بەجۆرێك كە ئەگەر نەخۆشەكە بۆ ماوەی (12 سەعات) لەحاڵەتەكەیدا مایەوە بەبێ هەڵگێڕانەوە ئەوا ئەو قورحانە دەست بەدروستبوون دەكەن...
بەڕاستی دەكرێت ئەمە بێت حیكمەتی خوایی لە هەڵگێڕانەوەی یارانی ئەشكەوت بۆ پارێزگاریان لە توشبوون بەو دەردە، هەرچەند چیرۆكی یارانی ئەشكەوت هەمووی دەچێتە نێو بازنەی موعجیزەوە!!