ماڵپەری قورئانی پیرۆز

2-بوار رەخساندن:

 ڕێزی خاوەن شەهادە وەك پێویست نییە و بواریان بۆ ناڕەخسێ‌، بۆیە زۆر لەوانەی كە داهێنەرن و بەتوانان ڕوو لە دەرەوە دەكەن، تەنها لە ئەمریكادا زیاتر لە دە هەزار

پزیشكی موسوڵمان هەیەكە لە وڵاتە ئیسلامیەكانەوە كۆچیان بۆ كردووە.

3-خوێندنی تێكەڵاو:

 لە ڕۆژئاوا بەشێوەیەكی كرداری گەیشتنە ئەوەی كە خوێندنی تێكەڵا و خراپە ،ئێستا لە ئەمریكا و ئەڵمانیا و وڵاتانی تریشدا بەرەو جیاكردنەوەی كوڕان و كچان هەنگاو دەنێن ، لەم وڵاتانەی ئێمەشدا كە تەنها خەریكی چاولێكەرین تازە هەوڵی تێكەڵكردنی قوتابیانی كوڕ و كچ دەدرێ‌ و هیچ بیر لە ئاسەوارە خراپەكانی ناكەنەوە.

4-دانانی مەنهەجی باش:

ئەمریكا بۆ دانانی پەڕاوی زانستی پۆلی شەش نزیكەی (٦٠٠) ملیۆن دۆلاری خەرج كردووە، كە نزیكەی (٦٠٠) كەسی شارەزا بەشدارییان كردووە لە دانانی ئەو مەنهەجەدا، ئەمە لە كاتێكدا كە لەوڵاتەكانی ئێمەدا چەند كەسێكی زۆر كەم بەم كارە هەڵدەستن و ناتوانن ئەوەی پێویستە و بە كەڵكی ئەم سەردەمە دێت بەرهەمی بێنن.

بەردەوام زانست لە پێشكەوتندایە بۆیە پێویستە هەر چەند ساڵ جارێك بە بەرنامەی پەروەردە و فێركردن و مەنهەجی قوتابخانەكاندا بچنەوە تا لەوە زیاتر دوانەكەوین.

5-ئیستیقراری سیاسی :

 كێشەی نەبوونی ئیستیقراری سیاسی و كێشەی حیزبایەتی وای كردووە پەروەردە و فێركردن وەك پێویست نەبێت، بەڕێوەبەری قوتابخانەیەك حیزبی نەبێ‌ دانانرێت با لێهاتووش بێت.

نەبوونی دادپەروەری و بوونی گەندەڵی وادەكات قوتابی سارد بێتەوەو دڵی بە خوێندنەكەی خۆش نەبێت ، كەچی لە كۆریادا بەپێچەوانەی لای خۆمانەوە قوتابی دڵنیایە بە هەوڵ و كۆشش دەچێتە پێشەوە بۆیە ناچارە زۆر هەوڵبدات ، قوتابیەكانیان دوای دەوام تاسەعات یەكی شەو ئەچوون بۆ قوتابخانەكانی بەهێزكردن (تەقویە) ، تاكار گەیشتە ئەوەی حكومەت فەرمانی دەركرد كە نابێت تا سەعات دەی شەو زیاتر هیچ دەورەیەكی بەهێزكردن هەبێت بۆ ئەوەی قوتابی بتوانێت ماوەیەكی باش بخەوێت !

كۆریەكان وتیان ئێمە وەبەرهێنان لە مێشكدا دەكەین ، بەڕاستی كردیان و ئێستا تەواو پێشكەوتوون .(بەرنامەی رازەكان ٨).