ماڵپەری قورئانی پیرۆز

نوسینگه‌ى ته‌فسیر .. نوسینى : خالد محمد خالد ..وه‌رگێڕانى : سهام به‌رزنجى / زەید لە كاتێكدا وێنەی ئەو سەختیە زۆر گەورەیە دەكێشێت كە پیرۆز و پایەدارە، كارەكەی دروست كرد، دەڵێت:

{سوێند  بەخوا، گەر داوای

گوێزانەوەی شاخێكیان لێبكردمایە لە جێگای خۆی، ئەوا ساناتر بوو لام لەوەی كە فەرمانی  كۆكردنەوەی قورئانیان پێكردم}..!!

بەڵێ‌...

(زەید) گەر شاخێك، یان چەند شاخێك لەسەر شانی هەڵبگرێت، دەروونی ئاسوودەترە پێی لەوەی كە بچوكترین هەڵە بكات لە گواستنەوەی ئایەتێك یان تەواوكردنی سورەتێكدا..

ویژدان و ئایینی لە ئاست هەموو سەختی و ناڕەحەتیەكدا خۆڕاگرە.. جگە لەو جۆرە با كەم و بێ‌ مەبەستیش بێت.

بەڵام ئەو پشتیوانی خوا و، ئەو وادە و بەڵێنەی لەگەڵدابوو كە دەفەرموێت:

[إِنَّا نَحْنُ نَزَّلْنَا الذّكْرَ ۆإِنَّا ڵهُ ڵحَافِظونَ: بەخۆمان ئەم قورئانەمان ناردۆتە خوار و، هەر خۆشمان دەیپارێزین.]الحجر/٩.

ئەوەبوو لە كارەكەیدا سەركەوتوو بوو، بە جوانترین شێوە ئەرك و بەرپرسیارێتیەكەی سەرشانی ئەنجام دا.

* * *

ئەوەش قۆناغی یەكەمی كۆكردنەوەی قورئان بوو..

كە ئەمجارە بە نووسراوی لە چەند پەڕاوێكدا كۆكرایەوە...

هەرچەندە كە دەركەوتەی جیاوازی لەنێوان ئەو پەڕاوانەدا روخساری بوو، ئەزموونەكەی بۆ سەلماندنی هاوەڵانی پێغەمبەر(صلى الله عليه‌ وسلم) كە پێویستە هەموویان لە یەك پەڕاودا كۆبكەنەوە.

ئەوەبوو لە سەردەمی جێنشینایەتی (عوسمان)دا (خوا لێ ى ڕازى بيت)، لەكاتێكدا كە موسڵمانەكان بەردەوام بوون لەسەر رزگاركردن و شاڵاوەكانیان و، لە شاری مەدینە دوور بوون و، لە غەریبایەتیدا بوون..

ئا لەو رۆژانەدا، لە كاتێكدا كە ئیسلام هەر رۆژە و دەستە لە دوای دەستە پێشوازی لەوانە دەكرد كە موسڵمان دەبوون و، پەیمان و بەڵێنیان دەدا، مەترسی فرەپەڕاوی دەركەوت كاتێك جیاوازی لە خوێندنەوەی قورئاندا كەوتە روو، هەتا لە نێوان هاوەڵانی زوو موسڵمان بوو و ئەوانەی سەرەتادا..

لێرەدا دەستەیەك لە هاوەڵان (خوا لێىان ڕازى بيت)لە سەرووی هەموویانەوە (حوزەیفەی كوڕی یەمان) هاتنە خزمەت خەلیفە(عوسمان) و پێداویستی یەكخستنی پەڕاوەكانیان خستە روو بۆی...

خەلیفەش ئیستخارەی بە پەروەردگاری كرد و راوێژی لەگەڵ هاوەڵانیدا كرد..