ماڵپەری قورئانی پیرۆز

نوسینگه‌ى ته‌فسیر .. نوسینى : خالد محمد خالد ..وه‌رگێڕانى : سهام به‌رزنجى / هەروەك چۆن پێشتر (ئەبوبەكری صدیق) پشتی بە (زەیدی كوڕی سابیت) بەست، (عوسمان)یش

بە هەمان شێوە پشتی پێ‌ بەست..

(زەید)یش هاوەڵ و دۆستەكانی كۆكردەوە  و، پەڕاوەكانیان لە ماڵی (حەفصەی كچی عومەر) هێنا كە لای ئەو پارێزراو بوو، ئەمجا (زەید) و هاوەڵەكانی دەست بەكاربوون بۆ ئەنجامدانی ئەو كارە مەزن و بەرزەیان..

هەموو ئەوانەشی هاریكاری (زەید)یان دەكرد لە نووسەرانی (نیگا) و، ئەو كەسانە بوون كە قورئانیان لەبەرە..

لەگەڵ ئەوەشدا هەركە جیاڕابوونایە-زۆركەمیش جیاڕادەبوون- خێرا بیروبۆچوونی (زەید) و قسەی (زەید)یان دەكردە پاساو و بەڵگە و یەكلاكەرەوە.

* * *

ئائێستاش كە ئێمە قورئانی پیرۆز بە ئاسانی دەخوێنینەوە.. یان بە خوێندنەوەی گوێبیست دەبین.. ئەوا ئەو سەختی و نەهامەتیە زۆرانەی كە ئەوانەی خوای گەورە فەراهەمی هێنان بۆ كۆكردنەوەو لەبەركردنی نایەت بە خەیاڵماندا..!!

بە تەواوی، هەروەك ئەو ناڕەحەتیانەی چەشتیان و، ئەو گیانانەی بەخشیان، لە كاتێكدا كە جیهادیان دەكرد لە پێناوی خوا، تا ئاینێكی بەتین لەسەر زەوی بڕیار بدرێت و، تاریكاییەكانی سەر زەوی بە رۆشنایی ئەو ئاینە رابماڵن..