ماڵپەری قورئانی پیرۆز

نووسینی /د.صلاح عبدالفتاح الخالدی//نووسینگه‌ی ته‌فسیر ///ئەم چیرۆكە لە قورئان بەم جۆرە هاتوە، كە خودا فەرموویەتی: واتە: (ئەی پێغەمەر صلی الله علیه‌ وسلم پرسیار بكە دەربارەی ئەو شارەی، كە لەسەر رۆخی دەریابوو،

كاتێك سنووری رێسای ڕۆژانی شەممانیان شكاند (كە بێگومان بڕیاربوو رۆژانی شەممە تەرخان بێت بۆ خواپەرستی‌و، بۆ سەربەستی ماسییەكان) –بەڵام ئەوان بۆ تاقیكردنەوەو گرفتاربوونیان لە ڕۆژی شەموانیاندا ماسییەكان بە سەربەستی دەهاتن‌و دەچوون‌و وەك چەتر سەر ڕووی ئاوەكەیان دادەپۆشی‌و نزیك كەناری دەریا دەبوونەوەو هەستیان بە هێمنی دەكرد، بەڵام ئەو ڕۆژەی، كە شەممە نەبوایە بەو شێوەیە نەدەهاتنە ڕوو، ئێمە بەوڕەنگە تاقیمان كردنەوە بەهۆی لادان‌و یاخی بوونیانەوە. دەستەیەك لە پیاو چاكانیان دەستیان كرد بە ئامۆژگاری كردنیان بەڵام دەستەیەكی تری ئیمانداران بەوانیان گوت: (بۆچی ئامۆژگاری كەسانێك دەكەن، كە خودا هەر لەنێویان دەبات، یان سزایەكی توندیان دەدات؟) ئەوانیش لە وەڵامدا گوتیان: [ئاخر با بەڵگەیەكی (دڵسۆزی‌و خەمخۆریمان) بۆ خودای پەروەرگارتان پێ بێت‌و، پاشان بەشكم ئەو ستەمكارانەش خۆ بپارێزن‌و پاشگەزبنەوە).