ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
یارانی ئه‌شكه‌ووت
نووسینی/ یوسف الحاج احمد
وه‌رگێر/ به‌ختیار عبدالرحمن شێروانی
ئاماده‌كردنی/نجات ره‌واندزی
خوای گه‌وره له وه‌سفی یارانی ئه‌و كۆمه‌له گه‌نجه‌ی ئه‌شكه‌وت كه بۆ ماوه‌ی سێ سه‌د سال له ناو ئه‌شكه‌وته‌كه كه به خه‌وتوویی مانه‌وه و ( به حیسابی مانگی) نۆدانه سالی دیكه‌شیان خسته‌سه‌ر خوای گه‌وره ده‌فه‌رمووێ{وَتَحْسَبُهُمْ أَيْقَاظًا وَهُمْ رُقُودٌ وَنُقَلِّبُهُمْ ذَاتَ الْيَمِينِ وَذَاتَ الشِّمَالِ .... (18)} [الكهف] واته: (واده‌زانیت به‌خه‌به‌رن له كاتێكدا به خه‌وتوویی راكشاون ، ئێمه ئه‌و دیوو ئه‌م دیوویان پێده‌كه‌ین و به‌لای راست وچه‌پیان هه‌ڵیان ده‌گه‌رێنینه‌وه ...)
بێگومان ئێستا زیاتر له چوارده سه‌ده له‌وه‌ی كه له‌باره‌ی یارانی ئه‌شكه‌ووت له قورئانی پیرۆزدا هاتووه تێپه‌ریوه ، هه‌تا هاتنی سه‌ده‌ی خۆمان زانای شوێنه‌وارناسی ئوردنی ( رفیق وفا الدجانی ) له سالی (1963ز) له ناوچه‌ی ره‌حیب ی ئوردنی دا ئه‌و ئه‌شكه‌وته‌ی دۆزیه‌وه كه یارانی ئه‌شكه‌وت كردبوویانه مه‌زارگه‌ی خۆیان كاتێك خۆیان و ئایین و ئیمانه‌كه‌یان له‌به‌رسته‌م و له‌سنور ده‌رچوونی شا (دیقیانوس)ڕایانكردبوو ، له ئه‌شكه‌وته‌كه‌دا حه‌وت گۆر به دیار كه‌وتن ، ئه‌وه‌ش ئه‌و ژماره‌یه كه قورئانی پیرۆز باسی كردووه و له‌نزیك ده‌روازه‌ی ئه‌شكه‌وته‌كه‌ش كه‌له‌سه‌ری ئێسكی سه‌گێك (كه‌ته‌نیا به‌شه مه‌لاشوی سه‌ره‌وه ماوه ) دۆزرایه‌وه كه پاسه‌وانیان بوو .
وه‌سفی دۆزه‌ره‌وه‌ی ئه‌شكه‌وته‌كه ئه‌و وه‌سفه ورده‌یه كه له قورئانی پیرۆزدا هاتووه ، خوای گه‌وره ده‌فه‌رمووێت {وَتَرَى الشَّمْسَ إِذَا طَلَعَتْ تَزَاوَرُ عَنْ كَهْفِهِمْ ذَاتَ الْيَمِينِ وَإِذَا غَرَبَتْ تَقْڕضُهُمْ ذَاتَ الشِّمَالِ وَهُمْ فِي فَجْوَةٍ مِنْهُ ذَلِكَ مِنْ آيَاتِ اللَّهِ مَنْ يَهْدِ اللَّهُ فَهُوَ الْمُهْتَدِ وَمَنْ يُضْلِلْ فَلَنْ تَجِدَ لَهُ وَلِيًّا مُرْشِدًا (17)} [الكهف] واته : كاتێكیش كه خۆر هه‌ڵدێت ، تیشكه‌كه‌ی ده‌بینیت له‌لای راستی ئه‌شكه‌وته‌كه‌وه ده‌دات و تێپه‌رده‌بێت كاتێكیش كه ئاوا ده‌بێت له‌لای چه‌پی ده‌دات تیشكه‌كه‌یان به‌سه‌ردا تێپه‌رده‌بێت له‌وكاته‌دا ئه‌و لاوانه له ناو بۆشایی فراوانی ئه‌شكه‌وته‌كه دا راكشاون ، ئه‌وه هه‌مووی به‌ڵگه‌و نیشانه‌یه كه له به‌ڵگه‌و نیشانه‌كانی خوا ، ئه‌وه‌ی خوا هیدایه‌تی بدات هه‌ر ئه‌و هیدایه‌ت دراوه و رێنموی وه‌رگرتووه ، ئه‌وه‌ش خوا گورا بكات ، ئه‌وه هه‌رگیز كه‌سێكت ده‌ست ناكه‌وێت كه پشتیوانی بكات و رێنموی بكات .