ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
چەنـد وتەیەكی هەڵبەسـتراوی جوولەكـان لەسـەر ئەم چـیرۆكە..چیرۆكه قورئانیه‌كان
نووسینی د.صلاح عبدالفتاح الخالدی //نووسینگه‌ی ته‌فسیر ///ئەوانەی وتە هەڵبەستراوەكانی جوولەكەیان گێڕاوەتەوەو برەویان پێداون چەند شتێكی زیادەیان خستۆتە سەر ئەوەی، كە قورئان باسی كردوە بۆ نموونە هەندێكیان ناوی گوندەكە،
یان شارۆچكەكەیان وادیاری كردووە، كە گوایە ناوی (ئیلە)، یان (ئیلان)، یان (عەقەبە)ی سەركەنداوی (عەقەبە) بووە، چەند كەسێكی تریشیان گوتوویانە گوایە شارۆچكەی (تەبەرییە/ گبریه)ی سەر دەریاچەی (گبریه) بووە. هەروەها گووتویانە گوایە لە گوندەكەدا دوو بت لەسەر كەناری دەریاكە هەبوون، یەكێكیان ناوی (لقیم)ی لـێ‌نراوەو، ئەوەی تریشیان ناوی (لقمانە)ی لێنراوەو، خوداش سرووشی (واتە- وەحی) داوە بە ماسییەكان، كە ڕۆژانی شەممە لەلای ئەو دوو بتەوە حەج بكەن، ئینجا خودا داوای لە جوولەكەكان كردووە، كە ڕۆژانی شەممە ماسی ڕاو نەكەن لەبەر ئەوەی ماسییەكان دێن بۆ حەج.