ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
ناسینی خوا لە ڕێی هەستەکانەوە..عيباده‌ت
یاسین وه‌رتی///(داواکردنی بەڵگەی ماددی بۆ بوونی خوا) ئەو کاتەی (يوري گاگارين) کەشتیوانی ئاسمانی ڕوسی لە گەشتە ئاسمانیەکەی گەڕایەوە گوتی: بەدوای خوادا گەڕام بەڵام نەمدۆزیەوە ، نوسەرو زانای ئیرلەندی (سي. إس. لويس)
وەلامی دایەوەو گوتی ئەو گەڕانەی گاگارین بەدوای خوادا وەک گەڕانی (هاملێت) وایە بۆ (شکسپیر) لەسەر کۆشکەکەی !!
(هاملێت ئەکتەری سەرەکی شانۆنامەیەکی بەناوبانگە کە شکسپیر نوسیویەتی ) .
لەبەر ئەوەی بوون و ماهیەتی خوا هاوشێوەی بوونی شتەکانی تری ناو گەردوون نیە، خودا شتێک نیە بخرێتە تاقیگەو بەڕێگای ئەزمونگەری شیکاری بۆ بکرێ و بدۆزرێتەوە .
پەیوەندی بەستنی خوا لەگەڵ ئێمە هاوشێوەی پەیوەندی ڕۆماننوسەکەیە لەگەڵ ئەکتەرو کەسایەتیەکانی ناو شانۆکەی .
ڕاستە (کەسەکان) دەتوانن بڕێکی باش لەبارەی شانۆنوسەکەوە بزانن، بەڵام بەو ئەندازەیەی نوسەر دەیەوێ و بەپێی ئەو بڕە زانیاریەی لەبارەی خۆیەوە دەیخاتە ناو نوسینەکەیەوە .
بۆیە ئێمەش ناتوانین بوونی خوا بەڕێگای هەستەکان یان ئامرازە مادیەکان بسەلمێنین، یان لەناو گەردووندا بەدوای خوادا بگەڕێین وەک ئەوەی بەدوای کەرەستەیەک یان پێکهاتەیەکی ناو جیهانی خۆماندا دەگەڕێین، وەک ئەوەی هەوڵی دۆزینەوەی ئۆکسجین و هایدرۆجین یان دورگەیەک لەناو زەریای ئارامدا دەدەین ، چونکە خوا بوونێکی جیاوازە ، لەسەرووی مادەو گەردوونەوەیە ...
ڕێگای سەرەکی ناسین و بەڵگە هێنانەوەش بۆی عەقڵە ...
ئەوە عەقڵە (کە ئامرازێکی نامادیە) ناچارمان دەکات دان بە بوونی خوادا بنێین ...
وه‌رگيراوه له سايتى ئينستتيوتى ژيار ///http://zhyar.org/ArticleDetail_380_16