ماڵپەری قورئانی پیرۆز

 با شەو و ڕۆژ ڕەحمەت لە زەینماندا بێت، ئیدی دەبێتە بەشێك لە ژیانمان. ئەمڕۆ لە ڕۆژئاوادا ئەو حاڵەتە زۆر كەمە تەنانەت گەیشتونەتە ئەو ڕایەی فێربوونی بەزەیی بۆ چارەسەری كێشەكانیان زۆر گرنگە.

ناوی "الرّحمن" لە قورئاندا (57)جار دووپات بووەتەوە و ناوی "الرّحیم" (114) جار، واتە دووهێند. وەسفی (رحیم) یەك جار وەك سیفەتی باشترین بەدیهێنراو (پەیامبەری خوا (صلى الله عليه‌ وسلم)) هاتووە لە وتەی پەروەردگاردا كە دەفەرموێت: {لَقَدْ جَاءَكُمْ رَسُولٌ مِنْ أَنْفُسِكُمْ عَزِيزٌ عَلَيْهِ مَا عَنِتُّمْ حَڕيصٌ عَلَيْكُمْ بِالْمُؤْمِنِينَ رَءُوفٌ رَحِيمٌ (128)} [التوبة] واتە: (ئەی خەڵكینە) سوێند بەخوا بێگومان پێغەمبەرێكتان بۆ ڕەوانەكراوە كە هەر یەكێكە لەخۆتان، توشبوونتان بە بەڵا و ناخۆشی بەلایەوە زۆر سەختە، زۆر بە تەنگیشتانەوەیە و پەرۆشە لەسەرتان، زۆر دڵسۆزی باوەڕدارانە و میهرەبان و دلۆڤانە بۆیان. 

سیفەتی میهرەبانی (الرّحمە) لەقورئاندا لەپتر لە (100) ئایەتدا هاتووە، لەبەرئەوەی خوای گەورە فێری میهرەبانی و بەزەییمان بكات و بەم ڕێنماییە نایابانە كار لە دەروونەكانمان بكات.

مێژوونووسان دەڵێن: مێژوو فەتحكارێكی بەخۆیەوە نەبینیوە بەسۆز و میهرەبانتر لە موسڵمانان!

لە مامەڵە و ڕەوشت و فتوحاتەكانیان و سۆزیان بە ئاژەڵان و لە هەموو جوڵە و كارێكیاندا بەزەیی و میهرەبانی دەدرەوشێتەوە، هۆیەكەشی دەگەڕێتەوە بۆ ڕێنوێنیە بەهێزەكانی قورئان. ئەم ڕێنماییانەیە كە ئەمڕۆ ڕۆژئاوا بانگەوازی بۆ دەكات!!