ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
حه‌ج به‌گه‌نجی یان به‌پیری؟..عيباده‌ت
نووسينى //م. ئەحمەد قامیشى/حه‌ج كه‌پایه‌ی پێنجه‌می ئیسلامه‌و له‌ته‌مه‌ندا یه‌ك جار پێویستكراوه بۆ كه‌سانێ توانایان ببێ، لێره‌و له‌وێ ده‌بیستین خه‌ڵكانێك ده‌ڵێن: تا پیر نه‌بین ناچین بۆحه‌ج ، حه‌ج بۆته‌مه‌نی پیری چاكه‌و به‌گه‌نجی پێمان ڕاناگیرێ!
ئه‌و بیرۆكه‌یه هه‌ڵه‌یه‌و پلانێكی گوماناویه‌و له‌گه‌ڵ حیكمه‌ت وفه‌لسه‌فه‌ی حه‌ج پێچه‌وانه‌یه‌و دروستكراوه بۆ دورخستنه‌وه‌ی گه‌نجه‌كان له‌بنه‌مایه‌كی دینه‌كه‌یان و دابڕیان كه‌ن له جیهانی ئیسلامی وبێ به‌شیان كه‌ن له‌خێروبێره‌كانی ئه‌و كۆنگره گه‌وره‌یه‌ی موسڵمانان، گه‌ر خوا بۆت بكات به‌گه‌نجی حه‌ج بكه‌ی،چونكه تواناو دانایی گه‌نج زیاتر فه‌لسه‌فه‌ی حه‌ج ده‌خوێنێته‌وه‌و له مه‌به‌سته‌كانی ده‌گات وه‌ك:یه‌كریزی ویه‌كپارچه‌یی وبرایه‌تی ویه‌كترناسینی موسڵمانان وبینینی دیمه‌نه‌كانی قیامه‌ت وبیركردنه‌وه له سه‌رده‌می دابه‌زینی وه‌حی وئه‌رك وخه‌باتی هاوه‌ڵان له‌پێناوی بانگه‌وازه‌كه‌یانداو ،پاشان بیركردنه‌وه‌له به‌ڵێن وده‌سه‌ڵاتی خوداوه له‌سه‌رده‌می مه‌ككه‌ی ئه‌وسای وشكی بێ ئاو ومه‌ككه‌ی ئێستای پێشكه‌وتوی قه‌ره‌باڵغ كه‌جێگه‌ی سه‌رنجی كه‌سانی ژیره، دیاره ئه‌و سه‌فه‌ره ماندوبونیشی تێدایه له‌كۆچ وبار له‌نێوان وتێل وخێوه‌تگاكاندا له‌ناو ئاپۆڕه‌ی ملیۆنی حاجیاندا، له هه‌موو ئه‌مانه‌دا هێزو توانای گه‌نجانه‌ی پێویسته له‌یارمه‌تی دانی نه‌خۆش وپیرو په‌ككه‌و ته‌كان،ئه‌مانه هه‌موی له توانای حاجی گه‌نج دایه‌وچێژی ئیمانی لێوه‌ر ده‌گرێ،وه‌ك وتراوه: (هه‌مووشت له گه‌نج جوانه)،به‌ڵام حه‌ج به‌پیری مایه‌ی ناچاریه ده‌بێته بار به‌سه‌ر ئه‌وانی تره‌وه‌و خۆیشی له‌به‌ر بێهێزی ونه‌خۆشی چێژی ئه‌وتۆ له‌و سه‌فه‌ره گه‌وره‌و گرنگه نابینێ، وێنه‌ی ئه‌وانه وه‌ك ئه‌وكه‌سه‌یه كه ڕه‌زیلی ده‌كات وسه‌روه‌ت سامان كۆده‌كاته‌وه بۆڕۆژی ته‌نگانه‌و پێش ئه‌وه‌ی هیچ ته‌نگانه‌یه‌ك بێته‌ڕێی بمرێ وماڵه‌كه‌ی له ده‌ست بچێ، ڕه‌نگدانه‌وه‌ی ئه‌وبۆچونه هه‌ڵه‌یه بوو كه‌جاران ئه‌گه‌ریه‌كێ به‌گه‌نجی بچوایه بۆحه‌ج به‌لایانه‌وه سه‌یربوو! پێیان ده‌گوت خۆت پیركرد! یان جارێ گه‌نج بوی! كاتی حه‌جت نه‌بو! ئه‌وه‌ی كه‌به‌پیری ده‌چێ فه‌ڕزه‌كه‌ی به‌جێ دێنێ به‌ڵام سودمه‌ند نابێ له‌حیكمه‌ت وفه‌لسه‌فه‌ی حه‌ج وتێناگاو سه‌ره‌نجام هیچ گۆڕانكاری به‌سه‌ر ڕه‌وشته‌كانیدا نایه‌ت به‌ره‌و چاكه و هه‌ندێ جار ده‌بنه نمونه‌ی خراپ وخه‌تای حه‌جیش ده‌گرن! (لێره‌دا مه‌به‌ستمان ئه‌وپیره‌نیه‌كه (معضوب)ه،بۆیه هه‌وڵ بده‌ین به‌گه‌نجی بچین تاپیلانی نه‌یاران پوچه‌ڵ بكه‌ینه‌وه‌و هاوكاری پیرو په‌ككه‌وته‌كانیش بكه‌ین وماناو مه‌به‌سته‌كانیشی بزانین وخێری زۆركۆبكه‌ینه‌وه بۆدنیاو دواڕۆژو ببینه گه‌نجی خواویست وته‌وبه‌كار.
وه‌رگيراوه له سايتى ئينستيوتى ژيار
///http://zhyar.org/Topic_3328_9