ماڵپەری قورئانی پیرۆز

بێگومان مرۆڤێك، كە بە ئەركە شەرعیەكان ڕانەسپێررابێت، لە ڕێگای كۆششكردنەوە ناڕوات‌و لە ڕاگیركردنی خۆی‌و پەروەردەكردنی دەرونیدا سەركەوتوو نابێت، خوداش ئەوە لە مرۆڤـ دەخوازێت، كە كۆشش لەگەڵا خۆیدا بكات‌و جیهادی نەفسی خۆی بكات‌و، پەروەردەی خۆی بكات‌و خۆی رێكخات‌و، لە هەڵچوون‌و خرۆشان بیگرێتەوەو، لە ئارەزووەكان‌و دابڕێت‌و، بەسەر لاوازییدا سەردەكەوێت‌و، مانا جوانەكانی خێرو چاكە لەدڵی گەشە دەكەن‌و لەدوایشدا شایستەی خەڵاتی خوداو چوونە نێو بەهەشتەكەی دەبێت.

 خۆ ئەگەر ئەركەكانی نەبوونایە، ئەوا مرۆڤی تێكۆشەرو جیهادكار لە مرۆڤی غافڵا‌و بێ‌ئاگا جیانەدەكرایەوەو، پیاوچاك لە پیاوخراپ‌و، بەهێز لە بێهێزو، خەمخۆر لە بێ باك‌و، سەركەوتوو لە زەرەرمەندیش جیا نەدەكرانەوە.

سەبارەت بە تاقیكردنەوە (ابتلا‌ء)ی ئیماندارانیش، خودا لە چەند ئایەتێكدا ئاماژەی بۆ حیكمەتەكانی كردووەو فەرموویەتی:

واتە: (ئێمە ئێوە تاقی دەكەینەوە بە (ناخۆشی‌و بەڵاو كارەسات)و، بە (خۆشی‌و ئاسوودەیی‌و دەستڕۆیشتوویی)و سەرەنجام گەڕانەوەشتان بۆ لای ئێمەیە تاكو سزای خراپەكانتان، یان پاداشتی چاكەو خۆراگرتنیان دەسكەوێت).

، واتە: (ئێمە تاقیتان دەكەینەوە تاكو كەسانی جیهادكارو خۆراگر لەنێوتاندا بناسین‌و بەئەركە گرانەكانیش تاقیتان دەكەینەوە، تا لە دواییدا هەواڵی كاروكردەوەكانتان دەرخەین‌و ئاشكرایانكەین).

- هەروەها فەرموویەتی: واتە: (خودای باڵادەست‌و پەروەردگار ئەو خودایەیە، كە لە ئەزەلەوە مردن‌و ژیانی بۆ خوڵقاندوون، تاكو تاقیتان بكاتەوە بەخۆشی‌و ناخۆشیەكانی دنیا، كە كامتان كردەوەی چاكترو پەسەندتری هەیە).

تاقیكردنەوەی خوداش بۆ جوولەكەكان لەپێناوی ئەوەدا بووە، كە ئەوان بەسەر ئارەزووكانیاندا زاڵا بن‌و بەسەر لاواز‌و بێ‌ هێزییاندا سەركەون. 

بێگومان سەركەوتن بەسەر ئارەزووەكان‌و بەسەر دەروونیشدا، ڕێگایەكی سەركەوتنە بەسەر دوژمناندا، بەڵام ئاخر جوولەكە چۆن‌و كەی لە تاقیكردنەوەدا سەردەكەون؟!