ماڵپەری قورئانی پیرۆز

        نووسینی : هارون نوح طه........ ئافره‌تێک ده‌ڵێ: ڕۆمه‌کان کوڕی منیان به‌ دیل گرتووه‌، هیچ ماڵو سامانێکم له‌ لا نییه‌ جگه‌ له‌ خانوێکی بچوک نه‌بێت که‌ ناتوانم بیفرۆشم، ئه‌گه‌ر که‌سێک هه‌بێت به‌ شتێک قوربانی بۆ بدات (الفدية) چونکه‌

شه‌وو ڕۆژی نییه‌ خه‌وو خواردنی نییه‌.
ده‌ڵێ ئه‌م ئافره‌ته‌ له‌م قسانه‌دا بوو پیاوێکی پیری ڕیش سپی سه‌ری به‌رز کرد بۆ ئاسمان هه‌ندێ قسه‌ی کردو لێوی جولاند. که‌مێکی پێ چوو ئه‌م ئافره‌ته‌ هاته‌ مه‌جلیسه‌که‌ به‌ خۆیو کوڕه‌که‌ی هه‌ر دوعای بۆ ئه‌م پیاوه‌ ده‌کردو پێی ووت گوێ بگره‌، کوڕه‌که‌م قسه‌یه‌کت بۆ ده‌کات.
کوڕه‌که‌ ووتی: ئێمه‌ که‌وتینه‌ ده‌ست پاشایه‌کی ڕۆمه‌کان، به‌ دیل گیراین، ئه‌م پاشایه‌ باخچه‌یه‌کی گه‌وره‌ی هه‌بوو، خزمه‌تی باخچه‌که‌ی به‌ ئێمه‌ ده‌کرد. هه‌موو ڕۆژێ ئێمه‌ ده‌چووین به‌ ده‌ستو قاچی زنجیر کراو، ده‌ڵێ: ئێمه‌ به‌رده‌وام بووین له‌سه‌ر ئه‌م شته‌ له‌ ناکاو مه‌غریبێک ئه‌م کۆتو زنجیره‌ له‌ قاچه‌کانم سه‌ربه‌خۆ کرایه‌وه‌ که‌وته‌ سه‌ر زه‌وی. باسی ئه‌م کاتو ساته‌ی کرد که‌وا زنجیره‌که‌ی لێکرایه‌وه‌، له‌گه‌ڵ کاتو ساتی دایکیو دوعای پیاوه‌ پیره‌که‌ی یه‌ک بوو.
ووتی: ئه‌م پاسه‌وانه‌ی که‌وا پاسه‌وانی له‌سه‌ر من ده‌کرد ڕای کردو هاواری کرد ووتی ها زنجیره‌که‌ت شکاند؟ ووتم: نه‌خێر به‌ خۆی شکاو که‌وته‌ خوارێ.
ده‌ڵێ: ئه‌ویش سه‌ری سوڕما له‌م کاره‌ بانگی قه‌شه‌کانی خۆیان کرد ووتیان ئه‌ی گه‌نجه‌ تۆ دایکت هه‌یه‌؟ ووتم: به‌ڵێ.
ووتیان: دوعای دایکت یه‌ک بوو له‌گه‌ڵ ئه‌م کاره‌، ئینجا ووتیان خوا به‌ڕه‌لآی کردی، ئێمه‌ ناتوانین تۆ زنجیر بکه‌ینه‌وه‌.
ده‌ڵێ: منیان برده‌ سه‌ر سنورێک له‌وێ به‌ هه‌ندێ موسڵمانانیان سپاردمو هاتمه‌وه‌( 1).

(1) البر والصلة،  إبن الجوزي، لاثةڕة 117..