ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
سه‌رپێچیه‌کان له‌کاتى قامه‌ت کردندا. (١٣)دووباره کردنه‌وه‌ى قامه‌ت:
وه‌رگێڕانى : ناصح ئیبراهیم سازانى / هه‌ندێ له نوێژخوێنان كاتێ قامه‌ت كرا بۆ نوێژ, ئه‌گه‌ر كارێك هاته پێشه‌وه چه‌ند ساتێك سه‌رقاڵی كردن قامه‌ته‌كه دووباره ده‌كه‌نه‌وه.. ئه‌مه‌ش
هه‌ڵه‌یه. راستیه‌كه‌ی ئه‌وه‌یه ته‌نها قامه‌تی یه‌كه‌م به‌سه.
پێشه‌وا (بوخاری) باسێكی داناوه به‌م ناونیشانه: (پێشنوێژ ئیشێكی بۆ هاته پێش دوای قامه‌ت كردن) له ئه‌نه‌سه‌وه هاتووه ده‌ڵێت: (أُقِیمَتْ الصَّڵاه‌ُ ۆالنَّبِیُّ صَلَّی اللَّهُ عَڵیْهِ ۆسَلَّمَ یُنَاجِی رَجُلًا فِی جَانِبِ الْمَسْجِدِ فَمَا قَامَ إِڵی الصَّڵاه‌ِ حَتَّی نَامَ الْقَوْمُ) . واته: جارێك قامه‌ت كرا بۆ نوێژ, پێغه‌مبه‌ر (صلی الله علیه وسلم) له‌و كاته‌دا قسه‌ی له‌گه‌ڵ پیاوێك ده‌كرد له‌لایه‌كی مزگه‌وته‌كه‌وه, نه‌هات بۆ نوێژ هه‌تا خه‌ڵكه‌كه خه‌ویان لێ كه‌وت.
كه‌واته به پێی ئه‌م فه‌رموده گفتوگۆی كه‌سێك له‌گه‌ڵ یه‌كێكی تر به ئاماده‌بوونی نوێژی جه‌ماعه‌ت دروسته, نووسه‌ر له‌باسی مۆڵه‌ت وه‌رگرتندا به‌ناوی: (درێژه‌ی پێكه‌وه چپه‌كردن) باسێكی داناوه, هه‌روه‌ها فه‌رموده‌كه به‌ڵگه‌یه له‌سه‌ر ئه‌وه‌ی كه دروسته ماوه بكه‌وێته نێوان قامه‌ت كردن و نوێژه‌وه ئه‌گه‌ر پێویست بێت, به‌ڵام ئه‌گه‌ر پێویست نه بێت ئه‌وه كه‌راهه‌تی هه‌یه.
پێشه‌وا (حافظ) ئیبن حه‌جه‌ر له (فتح)دا ده‌ڵێ: ئه‌وه‌ی بۆم ده‌ركه‌وتووه ئه‌وه‌یه ئه‌م حوكمه په‌یوه‌ندی به پێشنوێژه‌وه هه‌یه, چونكه ئه‌و كه‌سه‌ی له‌دوای پێشنوێژه‌وه نوێژ بكات ئه‌گه‌ر كارێكی پێویستی هه‌بوو ئه‌و كه‌سانه‌ی تر كه له‌دوای پێشنوێژه‌وه نوێژده‌كه‌ن پابه‌ند نین پێیه‌وه به پێچه‌وانه‌ی ئیمامه‌وه, به‌ڵام له‌به‌رئه‌وه‌ی كه قسه‌كردنی نێوان قامه‌ت و نوێژدابه‌ستن گشتیسه‌و پێشنوێژ و نوێژخوێنانیش ده‌گرێته‌وه, دانه‌ر بابه‌ته‌كه‌ی به گشتی هێناوه‌و په‌یوه‌ستی نه‌كردووه به پێشنوێژه‌وه .