ماڵپەری قورئانی پیرۆز

ئاماده‌کردنى/ سانا حمدامین
هه‌رکاتێک ئه‌م عوزرانه‌ هه‌بوون ده‌توانێ به‌ڕۆژوو نه‌بێ یان بیشکێنێ.
١-نه‌خۆشیه‌ک زیانى گه‌وره‌ى به‌ ڕۆژوو گره‌که‌ ده‌گه‌یاند, یان ئازارده‌رو بێزارکه‌رێکى توند بوو, خۆ ئه‌گه‌ر نه‌خۆشیه‌که‌ مه‌ترسى هه‌بوو بۆ تیا چوونى ئه‌و که‌سه‌ ئه‌گه‌ر ڕۆژووه‌که‌ى نه‌شکێنێ ئه‌وا واجبه‌ له‌سه‌رى که‌ بیشکێنێ

٢- سه‌فه‌رێکى درێژى وه‌ها که‌ له‌ ٨٣ کیلۆمه‌تر که‌متر نه‌بێ به‌ مه‌رجێ سه‌فه‌ره‌که‌ موباح بێت,هه‌روه‌ها به‌مه‌رجێک سه‌فه‌ره‌که‌ ته‌واوى ڕۆژه‌که‌ بگرێته‌وه‌, به‌ڵام ئه‌گه‌ر به‌یانى که‌ به‌ ڕۆژووه‌ له‌ شوێنى نیشته‌جێبوونى خۆیدا بوو پاشان سه‌فه‌رى ده‌ست پێکرد له‌ماوه‌ى ڕۆژه‌که‌دا ئه‌وا بۆى نیه‌ بیشکێنێت
٣- که‌سێ تووشى نه‌خۆشیه‌کى درێژخایه‌ن بوبێ و هه‌میشه‌یى بێو ئومێدى چاک بوونه‌وه‌ى نه‌بێت, ڕۆژوو گرتن زیانى هه‌بێت بۆ نه‌خۆشه‌که‌
٤-که‌سێک پیاو بێت یان ژن که‌ له‌به‌ر پیرى نه‌توانێت به‌ڕۆژوو بێت
ئه‌وانه‌ى که‌له‌به‌ر نه‌خۆشى درێژخایه‌ن یان پیرى ناتوانن به‌ڕۆژوو ببن له‌ جیاتى هه‌ر ڕۆژێک له‌و ڕۆژووه‌ى که‌ نه‌یان گرتووه‌ خواردنى هه‌ژارێک بده‌ن که‌ پێى ده‌وترێت (فدية)