ماڵپەری قورئانی پیرۆز

-ئه‌ندازیار عوسمان.....{أَفَمَنْ أَسَّسَ بُنْيَانَهُ عَلَى تَقْوَى مِنَ اللّهِ وَڕضْوَانٍ خَيْرٌ أَم مَّنْ أَسَّسَ بُنْيَانَهُ عَلَىَ شَفَا جُرُفٍ هَارٍ فَانْهَارَ بِهِ فِي نَاڕ جَهَنَّمَ وَاللّهُ لاَ يَهْدِي الْقَوْمَ الظَّالِمِينَ }التوبه‌١٠٩
ئاخۆ که‌سێ که‌ بنچینه‌ى مزگه‌وته‌که‌ى له‌سه‌ر خواپه‌رستى و ره‌زاى خوا داڕشتبێ هێژاتره‌ ، یان ئه‌و که‌سه‌ى که‌ بناغه‌ى مزگه‌وته‌که‌ى له‌سه‌ر لێوارى که‌نداڵى فشه‌ڵه‌و رووخه‌ک داناوه‌و له‌گه‌ڵ ئه‌ودا ده‌که‌وێته‌ ناو ئاگرى دۆزه‌خ، خوا ده‌سته‌ى سته‌مکاران شاره‌زاى راسته‌ رێ ناکا .
ئه‌م وێنه‌یه‌ به‌خه‌یاڵ بێنه‌ به‌رچاو، ئه‌مانه‌ مزگه‌وتى (ضيرار)یان بۆ نیفاق و سیخوڕى دروستکردووه‌و بنچینه‌که‌ى وا له‌سه‌ر لێوارى که‌نداڵى فشه‌ڵه‌ و له‌ جووڵه‌یه‌کى که‌مداو له‌ چه‌ند چرکه‌یه‌کدا خۆیان و بیناکه‌یان هه‌ره‌سیان هێناو رووخان !! به‌ڵام رووخانه‌ کوێوه‌ ؟ رووخانه‌ ناو دۆزه‌خه‌وه‌!
{لاَ يَزَالُ بُنْيَانُهُمُ الَّذِي بَنَوْاْ ڕيبَةً فِي قُلُوبِهِمْ إِلاَّ أَن تَقَطَّعَ قُلُوبُهُمْ وَاللّهُ عَلِيمٌ حَكِيمٌ }التوبه‌١١٠
ئه‌و خانووه‌ى سازیان داوه‌ ، هه‌ر مایه‌ى دڵخورتیانه‌ ، جا مه‌گه‌ر ئه‌و دڵانه‌یان کوت کوت ببێ ،خوداش زاناى له‌کارزانه‌ .