ماڵپەری قورئانی پیرۆز

نووسينى //سه‌روه‌ر حسن //نووسينگه‌ى ته‌فسير///ئێوە مەسەلەكانی ڕەوشت و یاسادانان بۆ پسپۆڕان دادەنێن، ئەوەتا پسپۆڕان دەگەڕێنەوە بۆ بنەما قورئانیەكان، ئیدی بۆچی دوژمنایەتی ئەم بنەمایانە دەكەن؟ لەگەڵمدا تەماشای ئەم بانگە ئیلاهیە لێوان لە سۆز و میهرەبانیە

بكەن و هەڵبژێرن خۆتان لە كوێ‌ دادەنێن، پەروەردگار دەفەرموێت: {قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لَا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ (53) وَأَنِيبُوا إِلَى رَبِّكُمْ وَأَسْلِمُوا لَهُ مِنْ قَبْلِ أَنْ يَأْتِيَكُمُ الْعَذَابُ ثُمَّ لَا تُنْصَرُونَ (54) وَاتَّبِعُوا أَحْسَنَ مَا أُنْزِلَ إِلَيْكُمْ مِنْ رَبِّكُمْ مِنْ قَبْلِ أَنْ يَأْتِيَكُمُ الْعَذَابُ بَغْتَةً وَأَنْتُمْ لَا تَشْعُرُونَ (55) أَنْ تَقُولَ نَفْسٌ يَا حَسْرَتَا عَلَى مَا فَرَّطْتُ فِي جَنْبِ اللَّهِ وَإِنْ كُنْتُ لَمِنَ السَّاخِڕينَ (56) أَوْ تَقُولَ لَوْ أَنَّ اللَّهَ هَدَانِي لَكُنْتُ مِنَ الْمُتَّقِينَ (57) أَوْ تَقُولَ حِينَ تَرَى الْعَذَابَ لَوْ أَنَّ لِي كَرَّةً فَأَكُونَ مِنَ الْمُحْسِنِينَ (58) بَلَى قَدْ جَاءَتْكَ آيَاتِي فَكَذَّبْتَ بِهَا وَاسْتَكْبَرْتَ وَكُنْتَ مِنَ الْكَافِڕينَ (59) وَيَوْمَ الْقِيَامَةِ تَرَى الَّذِينَ كَذَبُوا عَلَى اللَّهِ وُجُوهُهُمْ مُسْوَدَّةٌ أَلَيْسَ فِي جَهَنَّمَ مَثْوًى لِلْمُتَكَبِّڕينَ (60) وَيُنَجِّي اللَّهُ الَّذِينَ اتَّقَوْا بِمَفَازَتِهِمْ لَا يَمَسُّهُمُ السُّوءُ وَلَا هُمْ يَحْزَنُونَ (61)} [الزمر]، واتە: واتە: (ئەی پێغەمبەر (صلى الله عليه‌ وسلم) پێیان) بڵێ‌: (خوا دەفەرموێت) ئەی بەندەكانم! ئەوانەی كە خۆتان گوناهبار كردووە و هەڵەتان زۆرە، نائومێد مەبن لە ڕەحم و بەزەیی خوا، چونكە بەڕاستی ئەگەر ئێوە تەوبەی ڕاست و دروست بكەن، خوا لە هەرهەموو گوناه و هەڵەكانتان خۆش دەبێت، چونكە بێگومان ئەو خوایە زۆر لێخۆشبوو و لێبوردەیە و زۆر بەسۆز و میهرەبانیشە. هەوڵبدەن هەمیشە و بەردەوام دڵتان لای خوا بێت و بگەڕێنەوە بۆ لای پەروەردگارتان و تەسلیمی ئەو بن، پێش ئەوەی سزای خوا یەخەتان بگرێت، لەوەودواش سەركەوتوو نابن و كەس نابێت بەرگریتان لێ‌ بكات. بەردەوام شوێنی چاكترینی ئەو فەرمانانە بكەون كە لەلایەن خواوە بۆتان ڕەوانەكراوە، پێش ئەوەی سزا و ئازاری كتوپڕ یەخەتان پێبگرێت و لەكاتێكدا كە ئێوە هەست بە نزیكی سزاكە ناكەن. نەوەكو یەكێك بڵێت: ئاخ و داخ و پەشیمانی بۆ ئەو هەموو لادان و نادروستیانەی كردم، لە فەرمان و بەرنامەی خوادا، بێگومان لەو كەسانەش بووم كە گاڵتەیان بە ئاین و بەرنامەی خوا دەكرد. یاخود بڵێت: ئەگەر بەڕاستی خوا هیدایەت و ڕێنمایی بكردمایە، ئەوە من لە ڕیزی پارێزكاران و چاكەكاراندا دەبووم!! یاخود كاتێك كە سزا و ئازار دەبینێت بڵێت: خۆئەگەر بێگومان مۆڵەتێك ببێت جارێكی تر بگەڕێمەوە بۆ دونیا، ئەوە مەرج بێت لە چاكەكاران بم. نەخێر وانییە، مۆڵەت بەسەرچوو، چونكە بەڕاستی كاتی خۆی ئایەت و فەرمانی منت بۆهات، كەچی تۆ ئەو كاتە بڕوات پێنەكرد و بە درۆت دەزانی، فیز و دەمارگیریت دەكرد و لوتت هەڵدەبڕی لەئاستیدا، تۆ هەر لەڕیزی بێبڕواكاندا بوویت. جا ڕۆژی قیامەت دەبینیت، ئەوانەی درۆیان بەناوی خواوە دەكرد ڕووخساریان ڕەش و تاریكە، مەگەر شوێن و جێگا بۆ ئەو خۆبەزلزان و لوتبەرزانە لە ئاگری دۆزەخدا نییە؟! خوای گەورە ئەوانە ڕزگار دەكات كە دینداری و پارێزكاریان دەكرد، بەهۆی سەركەوتن و دەرچوونیان لە تاقیگەی دونیادا، ئیتر هیچ جۆرە ناخۆشییەكیان توش نایەت و دڵگرانیش نابن.