ماڵپەری قورئانی پیرۆز

           ئه‌ندازیار عوسمان...[فكيف اذا جئنا من كل امة بشهيد وجئنا بك على هؤلاء شهيداً ، يومئذ يود الذين كفروا وعصوا الرسول لو تسوى بهم الارض ولايكتمون الله حديثاً ] النساء : ٤٢ . واته‌ : ده‌ى ئایا چۆن ده‌بینن رۆژى دوایى کاتێ که‌ خوا پێغه‌مبه‌ران ده‌کات به‌شایه‌ت له‌سه‌ر کرده‌وه‌ى گه‌له‌کانیان و ، تۆش ده‌هێنین بۆ شایه‌تى له‌سه‌ر گه‌له‌که‌ت ، ده‌بێ ئه‌وانه‌ له‌ورۆژه‌دا چى بکه‌ن و چى بڵێن و بۆ کوێ بڕۆن ؟ ئه‌وانه‌ وان له‌به‌رده‌م دادگاى خوایىدا و له‌به‌رئه‌وه‌ى بێباوه‌ڕبوون و به‌قسه‌ى پێغه‌مبه‌ریان نه‌کردبوو حه‌زده‌که‌ن زه‌وىیان پێته‌خت بکرێ و بخرێنه‌ ژێر خاکه‌وه‌ (واتة  زيندوو نةبونايةتةوة) ، له‌و رۆژه‌دا هیچ قسه‌و باسێک ناشارنه‌وه‌ له‌خوا ، وه‌ هه‌موو ئه‌ندامه‌کانیشیان شایه‌تیان له‌سه‌ر ده‌ده‌ن .
رۆژێک پێغه‌مبه‌رى خوا  به‌( ابن مسعود) ى فه‌رموو قورئانم بۆ بخوێنه‌ ، ئه‌ویش وتى قورئان بۆ سه‌ر تۆ هاتووه‌ چۆن من بۆ تۆى بخوێنم ؟ فه‌رمووى پێم خۆشه‌ له‌غه‌یرى خۆم بیبیستم (ابن مسعود) ده‌ڵێ : سوره‌تى(النساء) م خوێند تا گه‌یشتمه‌ ئه‌م ئایه‌ته‌ [وجئنا بك على هؤلاء شهيداً ] له‌وێدا پێغه‌مبه‌ر ده‌ستى کرد به‌گریان و منیش بێده‌نگ بووم .
تێبینى : به‌لاى منه‌وه‌ هۆى گریانه‌که‌ى ده‌گه‌ڕێته‌وه‌ بۆ ئه‌وه‌ى که‌کاتێ بانگ ده‌کرێت بۆ شایه‌تىدان له‌سه‌ر ئومه‌ته‌که‌ى و به‌هۆى شایه‌تى دانه‌که‌ى ئه‌مه‌وه‌ هه‌ندێک له‌ئومه‌ته‌که‌ى له‌به‌رچاوى په‌ل کێش ده‌کرێن به‌ره‌ و دۆزه‌خ .
 ئه‌میش به‌و هه‌موو دڵ نه‌رمى و میهره‌بانیه‌وه‌ بۆ ئومه‌ته‌که‌ى ، ئاخر چۆن خۆى پێده‌گیرێ و فرمێسک ناڕێژێ ؟ ئێمه‌ زۆر جار باسى کاره‌ساته‌کانى قه‌بر و قیامه‌ت ده‌خوێنینه‌وه‌ خه‌یاڵمان له‌لایه‌کى دیکه‌یه‌ بۆیه‌ کارمان تێناکات ، به‌ڵام حه‌زره‌ت له‌به‌رچاوى بووه‌ و به‌هه‌موو هه‌ست و هۆشیه‌وه‌ ژیاوه‌ له‌گه‌ڵیدا وه‌ خواى گه‌وره‌ش وه‌سفى سۆز و میهره‌بانى و دڵسۆزیه‌که‌ى ده‌کات و ده‌فه‌رموێت : [ لقد جاءكم رسول من انفسكم عزيز عليه ما عنتم حريص عليكم بالمؤمنين رؤوف رحيم ] التوبه‌ : ١٢٨ . واته‌ : له‌خۆتان فروستاده‌یه‌کتان بۆ هاتووه‌ به‌ناخۆشیه‌کانتان دڵ گران ده‌بێت و سووره‌ له‌سه‌ر خێر و خۆشیتان . وه‌ بۆ بڕواداران به‌سۆز و میهره‌بانه‌ .