ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
چاره‌سه‌ری هه‌سته سه‌لبیه‌كان
ئاماده‌كردنى /سه‌روه‌ر حه‌سه‌ن
مافى له‌چاپدانه‌وه‌ى پارێزراوه بۆ: نوسينگه‌ي ته‌فسير
ڕه‌نگه زۆرترین كتێبى فرۆشراو له‌سه‌ر ئاستى جیهان له ئه‌مڕۆدا ئه‌و كتێبانه بن كه ده‌رباره‌ى (پرۆگرامسازى زمانیانه‌ى ده‌ماری-NLP)ن، ئه‌گه‌ر هه‌ندێك له‌و كتێبانه‌مان خوێنده‌وه تێبینى ده‌كه‌ین زانایانى ئه‌م پرۆگرامسازیه ڕێگاى كردارى پێشنیاز ده‌كه‌ن بۆ چاره‌سه‌رى ناهاوسه‌نگى و كه‌موكوڕى له ده‌روونى مرۆڤدا، وه‌ك شكست و خه‌مۆكى و هه‌سته سه‌لبیه‌كان و جگه له‌وانه‌ش.
ڕێگاى سه‌ركه‌وتوو و زیاتر به‌كارهاتوو له‌لایه‌ن چاره‌سه‌ركار و وانه‌بێژانه‌وه ئه‌وه‌یه كه ئه‌و كه‌سه‌ى گرفتارى هه‌سته سه‌لبیه‌كانه دابنیشێت و كاغه‌ز و قه‌ڵه‌م به‌ده‌سته‌وه بگرێت و بیر له ژماره‌یه‌ك له هه‌سته سه‌لبیه‌كانى خۆى بكاته‌وه، یان ئه‌وه‌ى هه‌ستى پێده‌كات، پاشان ژماره‌یه‌ك هه‌ستى ئیجابى ده‌نوسێت كه خواستى ده‌سته‌به‌ركردنیانى هه‌یه و گومان ده‌كات سه‌ركه‌وتنى بۆ به‌دیدێنن.
هه‌نووكه بیر له‌و هه‌سته سه‌لبیانه‌ى ده‌كاته‌وه كه نووسیونى له‌گه‌ڵ ئه‌و شتانه‌ى بۆى پێشدێنن ئه‌گه‌ر بیركردنه‌وه‌ى له‌سه‌ر ئه‌م حاڵه‌ته به‌رده‌وام بوو، ئه‌و هه‌ڵوێسته گران و ناڕه‌حه‌تانه دێنێته پێشچاو كه پیایاندا تێپه‌ڕده‌بێت ئه‌گه‌ر هاتوو له‌سه‌ر ئه‌م حاڵه‌تى هه‌ڵچوون و هه‌ڵوێسته سه‌لبیانه به‌رده‌وام بوو. تێڕوانینى كۆمه‌ڵگا بۆى وێنا ده‌كات له‌كاتێكدا ئه‌م بیروبڕوا و هه‌سته سه‌لبیانه‌ى هه‌ڵگرتووه، هه‌وڵده‌دات په‌رچه‌كردارى كۆمه‌ڵگا بۆى وێنا بكات له‌كاتێكدا ئه‌م بیروبڕوا و هه‌سته سه‌لبیانه‌ى هه‌ڵگرتووه، هه‌وڵده‌دات په‌رچه‌كردارى كۆمه‌ڵگاى ده‌وروبه‌رى بێنێته خه‌یاڵ به‌رامبه‌ر به‌م هزره سه‌لبیه نه‌خواستراوانه‌ى هه‌یه‌تى.
له‌دواى ئه‌مه ده‌چێته سه‌ر هه‌ستگه‌لى ئیجابى و ئه‌و هزرانه‌ى خه‌ونیان پێوه ده‌بینێت له‌گه‌ڵ ئه‌و سیفه‌تانه‌ى خوازیاره به‌شێك بن له كه‌سایه‌تیى، بیر له ئاكامه ئیجابیه‌كانیان ده‌كاته‌وه، بیر له‌و سه‌قامگیرییه ده‌روونى و جه‌سته‌ییه ده‌كاته‌وه كه به‌هۆیانه‌وه چنگى ده‌كه‌وێت، ئه‌و حاڵه‌ته وێنا ده‌كات كه تێیدا ده‌بێت ئه‌گه‌ر هاتوو ئه‌م سیفه‌ته ئیجابیانه‌ى له كه‌سێتییدا چه‌سپاند...
هه‌وڵده‌دات قه‌باره‌ى ئه‌و سوودانه خه‌یاڵ بكات كه له هه‌سته ئیجابیه‌كانه‌وه ده‌یانچنێته‌وه، چۆن تێڕوانینى ده‌وروبه‌ر به‌رامبه‌رى ده‌گۆڕێت، مه‌وداى خۆشه‌ویستى ئه‌وانى تر بۆى دێنێته پێشچاو له‌گه‌ڵ ئه‌وه كه چۆن ڕێز و پێزانین و متمانه‌یان به‌ده‌ستدێنێت.
له‌م باره‌دا هزره‌كان كارلێك ده‌كه‌ن و ده‌چنه نێو ئه‌قڵى په‌نهان و گۆڕان به ئاڕاسته‌ى باشتربوون ده‌ستپێده‌كات، ده‌روونى مرۆیى به سروشتى خۆى ئاره‌زووى خۆشه‌ویستى سه‌ركه‌وتن و سه‌قامگیرى و ئومێد ده‌كات.
زنجيره‌ى قورئان و زانست (4)
قورئان و گه‌ردوونناسى له نوسينگه‌ي ته‌فسير