ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
( ئەنگوسـتیلەیەكـی ئاڵـتون )
ڕۆژێك پێغەمبەر (ص) لەدەستی پیاوێكی موسوڵماندا "ئەنگوستیلەیەكی" ئاڵتونی بینی , دەستی كابرای هێنا و ئەنگوستیلەكەی لە پەنجەی دەرهێنـا و فڕێیدا و بە كابرای وت : ئەگەر پارچەیەك پشكۆی ئاگر لە دەستی یەكێكتاندا بوو با لە دەستی فڕێی بدا , كاتێ پێغەمبەر (ص) كۆڕەكەی بەجێ هێشت , یەكێك لە هاوەڵان بە كابرای وت : كە بچێت ئەنگوستیلە ئاڵتونەكە هەڵبگرێتەوە و سودی لێ وەربگرێ یان بیفرۆشێت و پارەكەی هەڵبگرێت .
بەڵام كابرا ڕازی نەبوو , بە هاوەڵەكەی وت : سوێند بەخوا هەرگیز شتێك هەڵناگرمەوە كە پێغەمبەری خوا (ص) فڕێی دابێت , لە كاتێكدا پێغەمبەر (ص) ڕێگەی لە كابرا نەگرتبوو كە سود لە ئەڵقە ئاڵتونەكە وەربگرێت و تەنها ڕێگەی لە دەست كردنی لێ گرتبـوو , بەڵام هاوەڵەكە لەبەر خۆشەویستی بۆ پێغەمبەر (ص) و زیاتر گوێڕایەڵی و فەرمانبەرداری ئەو كارەی كرد , ئەمەش لەبەر ئەوەبوو كە بەكارهێنانی ئاڵتون بۆ پیاو قەدەغەیە و بۆ ئافرەتان درووست و حەڵاڵە و دەتوانن بەكاری بهێنن بۆ جوانكاری و خۆ ڕازاندنەوە .
ىسەرچاوە : كتێبی چیرۆكی ڕەوشتە جوانەكان