ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
٣٠ ڕێگه بۆ به‌خته‌وه‌رى / ڕێگه‌ى یه‌که‌م / بیربکه‌وه و سوپاس گوزاربه
بیر له نیعمه‌ته‌کانى خودا بکه‌ره‌وه به سه‌رته‌وه , ده‌بینیت دایپۆشیویت هه‌ر له سه‌رته‌وه تا پێت , ته‌ندروستى له لاشه‌دا
, خواردن و خواردنه‌وه , هه‌واى پاک و بێگه‌رد , هه‌موو ژیانت به ده‌سته و به‌ڵام هه‌ستى پێ ناکه‌ی , دوو چاوت هه‌یه , زمان و دوو لێوت هه‌یه ,دوو ده‌ست و دوو قاچت هه‌یه , ئایا ڕۆشتنت له‌سه‌ر دوو پێ به‌لاوه شتێکى ئاساییه ؟؟ ئاساییه به‌لاته‌وه چاوه‌کانت پڕ ده‌که‌ى له خه‌و ؟؟ ئاساییه که ده‌مت پڕ ده‌که‌ى له خواردن ؟؟
گه‌ر ده‌ته‌وێ قه‌درى ئه‌م نیعمه‌تانه بزانى , بیهێنه پێش چاوت وه وا بزانه که گوێچکه‌ت تازه چاکبۆته‌وه له که‌ڕی , چاوت تازه چاکبۆته‌وه له کوێری , پێستت تازه چاکبۆته‌وه له گه‌ڕى , ژیریت تازه چاکبۆته‌وه له شێتى ....
ئایا ئاماده‌ی چاوێکت ببه‌خشی به کێوێک ئاڵتوون ؟؟؟ ئایا گوێچکه‌یه‌کت به کێوێک ئاڵتوون ده‌ده‌یت ؟؟؟ ئایا ئاماده‌ى زمانت ببه‌خشی و لاڵ بیت له پاداشتدا کۆشکى زه‌هرا و پادشاکان وه‌رگرى ؟؟؟
ئێمه له نیعمه‌تانێکى زۆردا ده‌ژین به‌ڵام نازانین .... که‌سانێک هه‌ن له خه‌م و خه‌فه‌ت و ناسۆرى ده‌ژین له کاتێکدا خۆراک و خه‌و و لاشه‌ى ته‌ندروستیان هه‌یه , بیر له نه‌بوو ده‌که‌نه‌وه به‌ڵام ئه‌وه‌ى به‌رده‌ستیان بیرچۆته‌وه , به زیانێکى ماددى ژیانیان لێ ده‌شێوێ له کاتێکدا کلیلی به‌خته‌وه‌رى به ده‌ستیانه‌وه‌یه , دنیایه‌ک له ئه‌زمون و لێهاتوویی پێ به‌خشراوه !!
بیربکه‌وه و سوپاسگوزار به بیر له خودى خۆت بکه‌ره‌وه .. بیر له که‌سوکار و خانه‌واده و کار و ته‌ندروستیت بکه‌ره‌وه .. بیر له هاوڕێکانت و ژیانى ده‌وروبه‌رت بکه‌ره‌وه و سوپاسگوزار به ....
... ســوپاسگــوزار بــه ...
سه‌رچاوه : ٣٠ ڕێگه بۆ به‌خته‌وه‌رى
ئاماده‌کردنى : ژیار ئاکۆیی