ماڵپەری قورئانی پیرۆز

     کتێبخانه‌ی محوی... دانانی....منصور علی عرابی....وه‌رگێڕانی......عبدالله حسن وه‌رتی.....  خواى گه‌وره‌و میهره‌بان ئارامىو دڵگوشادىو خۆڕاگرى و ده‌روون فراوانى ئه‌به‌خشێته‌ (يوسف) له‌ناو بیره‌که‌دا.

تا له‌ناکاو کاروانێک له‌به‌رده‌م بیره‌که‌دا تێ ده‌په‌ڕێت که‌ به‌ره‌و (ميسر) ده‌چوون یه‌کێکیان بۆ لاى بیره‌که‌ ده‌نێرن تاکو ئاویان بۆ بێنێت، کابراش ستڵه‌که‌ى ده‌ستى شۆڕ ده‌کاته‌وه‌ بۆناو بیره‌که‌ بۆ ئاو ده‌رهێنان، (يوسف)یش خۆى پێ هه‌ڵده‌واسێت و له‌ بیره‌که‌ دێته‌ ده‌ره‌وه‌، پیاوه‌که‌ش زۆر دڵشاد ده‌بێت به‌ بینینى ئه‌و کوڕه‌ جوانه‌و به‌په‌له‌ ده‌گه‌ڕێته‌وه‌ بۆ نێو هاوه‌ڵه‌کانى و زۆر به‌ خۆشحاڵیه‌وه‌ پێیان ده‌ڵێت: [يَا بُشْرَى هَـذَا غُلاَمٌ] (يوسف: 19). واته‌: مژده‌ مژده‌ ئه‌وه‌ کوڕێکى زۆر جوانه‌، ئه‌وانیش یوسف له‌ناو که‌لوپه‌له‌کانیاندا ده‌شارنه‌وه‌و له‌گه‌ل خۆیان ده‌یبه‌ن بۆ (ميسر).